مسئلہ ۱۰۹۹ : بناء بر احتیاط واجب چند چیزوں کے لئے نماز کے بعد (بیان کئے جانے والے قاعدہ کے مطابق) سجدہ سہو بجالانا چاہئے۔
۱۔ بے جا کلام کے لئے۔ بھولے سے یہ خیال کرتے ہوئے کہ نماز ختم ہوگئی ہے۔ گفتگو کرنے سے سجدہ سہو واجب ہے۔
۲۔ بے جا سلام کیلئے۔ مثلا چار رکعتی نماز میں دوسری ہی رکعت پر سلام پھیرے۔
۳۔ بھولے ہوئے سجدہ کیلئے۔
۴۔ بھولے ہوئے تشہد کے لئے۔
۵۔ کھڑے ہونے کی جگہ بھول کر بیٹھ جائے یا بیٹھنے کی جگہ بھولے سے کھڑا ہوجائے۔
۶۔ دوسرے سجدہ کے بعد شک ہوجائے کہ چوتھی رکعت ہے یا پانچویں تو نماز تمام کرکے دو سجدہ سہو بجالائے ان کے علاوہ دوسری چیزوں میں کمی یا زیادتی کے لئے سجدہ سہو مستحب ہے۔