مسئلہ ۱۴۷۲: چھ قسم کے لوگوں کے لئے روزہ کو باطل کرنے والے کام سے اجتناب کرنا مستحب ہے اس کے با وجود کہ ان پر روزہ واجب نہیں ہے۔
۱۔۔۔وہ مسافر حضرات جنھوں نے سفر میں روزہ توڑدیا ہوادر ظہر سے پہلے اپنے وطن یا ایسی جگہ پہنچ جائیں کہ جہاں دس دن رہنا چاہتے ہوں۔
۲۔۔۔وہ مسافر جو ظہر کے بعد اپنے وطن یا ایسی جگہ پہنچ جائے جہاں دس دن رہنے کا ارادہ ہو۔
۳۔۔۔جو مریض ظہر سے پہلے اچھا ہوجائے اور روزہ کو باطل کرنے والا کام کرچکا ہو اور روزہ نہ رکھ سکتا ہو۔
۴۔ ۔۔ جو مریض ظہر کے بعد اچھا ہوچاہے اس وقت تک مبطلات روزہ میں سے کسی چیز کو انجام نہ دیاہو۔
۵۔۔۔ جو عورتیں دن میں حیض یا نفاس سے پاک ہوجائیں۔
۶۔۔۔ جو کافر رمضان میں ظہر کے بعد مسلمان ہو۔ لیکن اگر ظہر سے پہلے مسلمان ہو اور اس وقت تک کچھ کھا یا پیانہ ہو تو احتیاط واجب ہے کہ اس دن کا روزہ رکھے۔
مسئلہ ۱۴۷۳: روزہ دار کے لئے مستحب ہے کہ روزہ افطار کرنے سے پہلے مغرب و عشاء کی نماز پڑھ لے۔ لیکن اگر حضور قلب کے ساتھ نہ پڑھ سکتا ہو یا کوئی شخص افطار کے لئے اس کا انتظار کر رہاہو۔ تو بہتر ہے کہ پہلے افطار کرے لیکن بس اتنا کہ جس کے بعد نماز کو اس کے فضیلت کے وقت میں پڑھ سکے۔