Şiə kişinin əhli-kitabla evlənməsi
Şiə bir kişinin əhli-kitabdan olan yəhudi, nəsrani, erməni və s. qızla evlənə bilərmi?
Yalnız müvəqqəti evlənmək caizdir.
Əhli-sünnətlə evlənmək
Sünni kişilərin şiə qızlarla evlənməyi caizdirmi? Şiə kişinin sünni qızla evlənməsi necə?
İnhiraf (əqidədən, məzhəbdən dönmək) qorxusu olmasa, maneəsi yoxdur. Lakin əqidə cəhətdən inhiraf (azma) ehtimalı olsa, caiz deyil.
Livat edənin həddi-buluğa çatmasında olan şəkk
Bir şəxs bir oğlan uşağı ilə livat etmişdir. Lakin şəkki var ki, bu əməli edəndə həddi-buluğa çatmışdı, ya yox. O oğlan uşağının bacısı, qızı və ya anası ilə evlənməsi caizdirmi?
Əgər livat işini edənin həddi-buluğa çatmasında şübhə varsa, həmin oğlan uşağının bacısı, anası və ya qızı ona haram olmur.
Tibb bacısının müharibə əlillərinə necə məhrəm olması
Mən İslam İnqilabı əlillərindən biriyəm ki, boyundan aşağı iflicəm və öz işlərimi görməyə heç cür qadir deyiləm. Bacılardan birinin Allah rizası üçün, cinsi məsələlərdən başqa bütün işlərimi görməyə razı olduğunu nəzərə alsaq, bizim məhrəm olmağımız üçün hər hansı bir yol varmı?
Əgər o qızla sizin atanızın arasında müvəqqəti əqd (qısa müddət üçün olsa belə) oxunsa, siz həmişəlik ona məhrəm ola bilərsiniz. Əlbəttə, həyat yoldaşı kimi deyil, ana-bacının məhrəmliyi kimi.
Evin işlərini yerinə yetirməsi şərti
Gələcək həyat yoldaşının evin adi işlərini yerinə yetirməsi şərt olunarsa, bu şərt səhihdirmi? Bu şərtə əməl etmədiyi halda hökmü nədir?
Şərt etdikləri təqdirdə bu şərtin icra olunması vacibdir. Şərti pozarsa, ehtiyat budur ki, qadın onun qiymətini ödəsin.
Nişanlılıq dövrünün hədiyyələrini tələb etmək
Kürəkən toydan qabaq öz xanımına hədiyyə ünvanı ilə çoxlu bəzək əşyaları, o cümlədən qızıl və s. almışdır. Qızın yaxınlıqdan boyun qaçırdığını fərz etsək, oğlanın bu bəzək əşyalarını tələb etməyə haqqı varmı? Kürəkənin razı olmadığını biləndən sonra qızın bu zinət əşyalarından istifadə etməsi caizdirmi?
Haqqı var və məsələdə fərz olunan halda qızın o əşyalardan istifadə etməsi caiz deyil.
Qızın ailəsinin ona verdikləri hədiyyələr
Adətən qız ailəsi nişan və toydan sonra öz qızları üçün hədiyyələr aparırlar. Bu bəy və gəlin ayrılandan və ya gəlin öləndən sonra hədiyyələr kimə çatır?
Əgər xüsusi bir dəlil olmasa, zahirən bunlar qızın malıdır, atası öz qızına hörmət əlaməti olaraq və ərinin yanında abrını qorumaq üçün bunları ona bağışlamışdır.
Kürəkəndən alınan məbləğin xümsü
Əfqanıstan xalqının və şiələrinin arasında belə bir adət var ki, ailə qurularkən qızın atası kürəkəndən mehriyədən əlavə, müəyyən məbləğdə pul da alır. Bu pul halaldırmı? Əgər üstündən bir il keçsə, ona xüms düşürmü?
Əgər sözü gedən pulu nikah əqdinin daxilində şərt olaraq ata üçün nəzərdə tutsalar, halaldır və bir il keçməklə xüms ona vacib olur.
Evlənməyə qadir olmadıqda cinsi qabiliyyəti aradan aparmaq
Əgər bir kişi heç bir vəchlə evlənməyə qadir deyilsə, yəni həyatının bütün sahələrində həmişə məğlubiyyətlə üzləşirsə və hətta ən yüngül və sadə şəkildə belə, evlənməyə qadir deyilsə, evlənməmək isə onun orqanizmində müxtəlif fəsadların və problemlərin yaranmasına səbəb olursa, dərman atmaq və ya cərrahiyyə əməliyyatı vasitəsilə öz cinsi qüdrətini aradan apara bilərmi?
Caiz deyil. Allah taala onun üçün bir çıxış yolu yaradana qədər səbirli olmalıdır.
Müvəqqəti nikahın iddəsində olan daimi nikah
Talaq verilmiş bir qadın, iddəsi bitəndən sonra müvəqqəti nikah bağlayır. Bir müddətdən sonra qohumların ağsaqqal və böyüklərinin vasitəçiliyi ilə birinci əri ilə evlənməsi qərara alınır. Qadın bunları ikinci ərinə bildirib çarə tapmasını istəyir. O, qalan müddəti bağışlayaraq təkrarən qadınla siğə bağlayır və duxuldan qabaq fəsx edir (nikahı pozur). Qadın isə ikinci fəsxin yaxınlıqdan öncə olmasını və yaxınlıq etməyənin iddəsi olmadığını dəlil gətirərək fasilə olmadan ikinci əri ilə evlənir. Bu mətləb səhihdirmi?
Qabaqkı nikahın iddəsi bu kimi işlərlə aradan qalxmır. İddə sona çatmamış onun yenidən evlənməsi səhih deyil və iddə saxlamadan heç bir kəslə nikah əqdi bağlaya bilməz.
Müvəqqəti əqdin iddəsində baş verən zina
Müvəqqəti nikahın iddəsi zamanı zinanın hökmü nədir? Əbədi haramlığa səbəb olurmu? İmamın (r) bu barədə fitvası nədir?
Müt’ənin iddəsi zamanın zina şübhəsiz ki, haramdır. Lakin o qadının əbədi haramlığına səbəb olmur. Buna görə də iddə sona çatandan sonra nikah siğəsinin oxunmasının eybi yoxdur. İmamın “Təhrirul-vəsilə”-də və “Tozihul-məsail”-dəki fitvası da belədir.
Şiə kişinin əhli-kitabla evlənməsi
Şiə bir kişinin əhli-kitabdan olan yəhudi, nəsrani, erməni və s. qızla evlənə bilərmi?
Yalnız müvəqqəti evlənmək caizdir.
Şəriət hakimi tərəfindən müvəqqəti nikahın qalan müddətinin bağışlanması
Mən bir kişi ilə on il müddətində müvəqqəti olaraq nikah bağlamışam. Bu kişi üç ildir ki, gedib və ondan heç bir məlumatım yoxdur. Məhkəməyə müraciət etsəm də heç bir nəticə əldə etməmişəm. Xahiş edirəm ki, məni azad edəsiniz. Çünki, mən müvəqqəti evlənmənin şərtlərini bilmirdim. Məişətimi təmin etmək üçün də nə bir işim var, nə də bir kəsim.
Əgər şəriət hakiminin qənaətinə görə artıq dərəcədə məşəqqət içindəsinizsə, çıxış yolunuz yoxdursa və ərinizi tapa bilmirsinizsə, hakim qalan müddəti sizə bağışlaya bilər. Sonra iddə saxlayaraq ərə gedə bilərsiniz.
Yaxınlıq baş verən halda uşağı inkar etmək
Bir şəxs cavan bir qadını mütə etmiş və öz dediyinə görə, onunla yaxınlıq da etmişdir. Bundan sonra sözü gedən qadın uşaq dünyaya gətirmiş və uşağın mütə edən kişiyə aid olduğunu bildirir. Lakin kişi uşağın ona aid olduğunu inkar edir. Belə halda kişi, uşağın onun olmadığına dair and içsə, bu and içmə şəri baxımdan qanunidirmi?
Kişi onunla cinsi əlaqədə olduğuna iqrar edirsə, uşaq ona aiddir və and içməklə (uşağın ona aid olması) ondan götürülmür.
