Ərin nəzərində şahidlərin adil olması
Talaqda iki şahid zövcün (oğlanın) nəzərində adil olsalar, kifayətdirmi?
Bəli, bu iki şahid, oğlanın nəzərində adil olsalar, əleyhinə yəqin əldə olunmayıncaya qədər kifayətdir.
Müztəribə qadının təvafda vəzifəsi
Müztəribə qadının təvafda vəzifəsi nədir?
O, müztəribə qadının namazdakı vəzifəsinə əməl etməlidir ki, aşağıdakılardan ibarətdir: “Müztəribə” bir neçə ay qan görüb, amma müəyyən adət tapmayan qadına deyilir, əgər on gün və ya bundan az qan görsə hamısı heyzdir. Əgər on gündən artıq qan görsə, heyz nişanəsi olan günlər üç gündən az, on gündən çox olmasa heyz sayılır. Bütün qanlar eyni şəkildə olarsa qadın qohumlarının adəti üzrə hərəkət etməlidir. (Əgər qohumlarının hamısının və ya böyük əksəriyyətinin adəti eyni cürdürsə.) Qohumların adəti fərqli olsa, ehtiyat budur ki, qadın adət müddətini yeddi gün təyin etsin.
Namaz qılan qadın və kişilər arasında pərdə salınması
Qədim zamanlardan etibarən qadınlar və kişilər arasında pərdə kimi maneə olardı. İndi bir qrup insanlar deyirlər ki, namaz qılan halda və moizə edən zaman qadınlarla kişilər arasında pərdə və divarın olması lazım deyil. Sizin nəzəriniz nədir?
Qadınların cərgəsi kişilərin arxasında olsa pərdə lazım (vacib) deyil. lakin bir-birinin yanında olsalar ehtiyat vacibə görə pərdə lazımdır.
Həddi-buluğa çatmazdan öncə vəli tərəfindən evləndirmə
Bir qızın 9 yaşından öncə bir şəxslə əqdi bağlanmışdır. Halbuki, qızın bundan xəbəri yox idi və əqdi qızın atası icra etmişdir. Bundan əlavə, sözü gedən qızın o kişi ilə yaş fərqi təxminən 25 ildir və o kişinin başqa həyat yoldaşı da var. Hətta onun qızı bu ikinci arvadı ilə bir yaşdadır. Qız həddi-buluğa çatanda bu kəbin haqqından narazılığını bildirərək israr edir ki, bu nikah mənim məsləhətimə deyil və mən talaq almaq istəyirəm. Lakin kişi talaq verməyə razı olmur. Bu kəbin düzdürmü? O, bu kəbinə iltizamlı qalmalıdırmı, yoxsa başqası ilə evlənə bilər? Nəzərə almaq lazımdır ki, qız bir həddə çatmışdır ki, ərə getməyə ehtiyacı var.
Bu nikah qızın məsləhətinə deyilmişsə, batildir və qız talaqsız ərə gedə bilər. Lakin qız həddi-buluğa çatandan sonra razılıq veribsə, onu poza bilməz.
Arvadlar arasında ədalət
“Arvadlar arasında olan ədalət” – nə deməkdir?
Ədalət deyəndə, onların hər birinin şənlərinin, ad-sanlarının tələbinə mütənasib olaraq, hər biri ilə, halına uyğun rəftar olunması nəzərdə tutulur. Ədalət həmişə “müsavat” (bərabərlik) mənasına deyildir. Həqqul-qismlə (vaxtın qadınlar arasında bölünmə haqqı) bağlı ədalət budur ki, (məsələn, dörd arvadı varsa) onların hər biri üçün dörd gecədən birini ayırsın.
İdxal olunan ət məhsulları
Qeyri-müsəlman ölkələrdən idxal olunan ətlərin hökmü nədir?
Əgər müsəlman bazarından və müsəlmanın əlindən alınarsa və alıcının (bu barədə) araşdırma apardığını ehtimal verirsinizsə, pak və halaldır.
Dini tələbələrin İmam səhmindən istifadə etməsi
Dini tələbələr İmamın (əleyhis-salam) səhmindən istifadə edə bilərmi?
Onlar faydalı İslam elmlərinin təhsili ilə məşğuldurlarsa, şəri hakimin icazəsi ilə İmam səhmini almalarının eybi yoxdur.
İmam səhmindən müdafiə vəsaitlərinin alınması
Bir kəs düşmənləri tərəfindən təhlükədə olduğunu görsə, İmam (əleyhis-salam)-ın səhmindən və sair şəri maliyyatlardan silah və döyüş sursatı ala bilərmi?
Şəri hakimin və ya nümayəndəsinin icazəsi ilə caizdir.
Vəqf edilən şeydən nəzərdə tutulmamış yerlərdə istifadə
Məscidin mülkiyyəti olan torpaq sahəsində xeyriyyəçi bir insanın vasitəsilə ev inşa edilmişdir. Sözü gedən ev şəri baxımdan vəqf olunmuş və məscidin İmam camaatının bu evdə yaşaması şərt edilmişdir. Sual budur ki, müqəddəs İslam şəriəti başqa bir şəxsin orada yaşamasına icazə verirmi? Məscidin daimi imam camaatı orada yaşamadığı təqdirdə oranı icarə vermək şəri cəhətdən caizdirmi?
Mümkün olan qədər məscidin imam camaatı oradan istifadə etməlidir. Əgər mümkün olmasa icarə versinlər və icarədən əldə olunan vəsaiti məscidin imamına xərcləsinlər. Məscidin imamının buna ehtiyacı olmasa, məscidin digər ehtiyaclarına sərf olunsun
Livat edənin həddi-buluğa çatmasında olan şəkk
Bir şəxs bir oğlan uşağı ilə livat etmişdir. Lakin şəkki var ki, bu əməli edəndə həddi-buluğa çatmışdı, ya yox. O oğlan uşağının bacısı, qızı və ya anası ilə evlənməsi caizdirmi?
Əgər livat işini edənin həddi-buluğa çatmasında şübhə varsa, həmin oğlan uşağının bacısı, anası və ya qızı ona haram olmur.
Vəqf olunmuş su və torpaq sahəsindən istifadə
Bir şəxsin əlində olan vəqf olunmuş su və torpaq sahəsindən xas və müəyyən bir şəkildə istifadə olmalıdırmı?
Əgər vəqf edilmiş su və torpaq sahəsini icarə etmişsə və xas bir şərt də qoymamışdırsa, özü istədiyi kimi ondan istifadə edə bilər.
Mütəvəllinin təqlid etdiyi mərcəyi-təqlidin nəzərinin irəli olması
Əgər vəqf edən və ya mülkiyyətə keçirən şəxs bir müctəhidə, məscidin işlərini icra edənlərin (rəhbər heyət) hər biri isə digər müctəhidə təqlid edirlərsə, belə ki, bu iki müctəhid arasında yuxarıdakı məsələlərdə fikir (nəzər) ayrılığı mövcuddursa, onlardan hansının nəzərinə əməl olunmalıdır?
Məscidin mütəvəllisinin və məscid işlərini icra edənlərin təqlid etdikləri müctəhidin nəzəri şərtdir.
Heyvanların başını kəsməzdən öncə onları elektriklə şoka salmaq
Heyvanların başlarını kəsməzdən öncə onları elektrik şokuna salsalar, belə ki, bu heyvanlar başı kəsilməzdən öncə və sonra heç bir hərəkət etməzsə və ya azacıq hərəkət edərsə, bu variantların hamısında onlardan qan çıxdığını və ya çıxmadığını fərz edəriksə bunlar halaldır, yoxsa haram və murdar? Onların alğı-satqısı və əvəzində alınan pulun hökmü nədir?
Heyvana elektrik şoku veriləndən sonra sağ olarsa və şəriət baxımından düz kəsilərsə halaldır və onun yeyilməsi, alğı-satqısı caizdir, lakin onun daxilində olan qanlardan çəkinin.
Nazik ehram libası geymək
Qadınların ehram paltarı bədənləri görsənəcək qədər nazik olsa, onların həcc əməllərinə zərər yetirə bilərmi?
Bu iş haramdır. Lakin təvafdan və təvaf namazından digər yerlərdə olsa, həcc batil olmur.
Vəfat etmiş müctəhidə təqlid
Vəfat etmiş müctəhidə təqlid etmək olar?
Ehtiyat budur ki, ilk əvvəldə meyyitə təqlid olunmasın. Lakin əməl etdiyi və ya əməl etmək üçün fitva aldığı məsələlərdə meyyitə təqliddə qalması caizdir.
