Televizorda hicabsız qadınlara baxmaq
Hicabsız və bəzənmiş qadınların iştirak etdikləri – və bəzən televiziya vasitəsi ilə efirə gedən – filmlərə tamaşa etməyin hökmü nədir?
Xüsusi bir fəsadlarla nəticələnərsə, haramdır.
Livatda evlilik
Livat edən şəxsin (cəzalandırılmasında) evli (cinsi yaxınlıq üçün imkanlı) olmasını şərt bilirsinizmi?
Livatda evli və subay arasında fərq yoxdur.
Oğlanın atasının onun qaynanası ilə evlənməsi
Son zamanlar bir neçə alimdən soruşmuşlar ki, atanın öz övladının qaynanası ilə evlənməsi şəri baxımdan caizdirmi? Guya onlar demişlər ki, caiz deyil. Cənab ustadın bu barədə fətvası nədir?
Caizdir və heç bir şəxs bunun haram olmasına fətva verməmişdir.
Təvafı təharətsiz (qüsl, dəstəmaz) halda yerinə yetirmək
Bir kəs təməttö ümrəsində və ya müfrədə ümrədə təqsirdən sonra ehramdan çıxmışdır. İkinci ehramdan bir neçə gün qabaq başa düşmüşdür ki, təvaf və namazında təharəti olmamışdır. Bu halda yenidən ehram paltarı geyinməlidir, yoxsa təvaf və onun namazını adi paltarla təkrarən yerinə yetirməsi caizdir?
Ehram paltarı geyinmək vacib deyil. Ehtiyat budur ki, səy və təqsiri də yenidən yerinə yetirsin.
Ric’i talaqda qadının ərin evində qalması
Ric’i talaqda talağı verilmiş qadının əri ilə yaşadığı evdən bayıra çıxmağa haqqı yoxdur və ərin də iddə zamanı tamam olmamış onu evdən çıxarmağa haqqı yoxdur. Bu qadağaya əməl etmək kimin vəzifəsidir? Ər-arvadın, yoxsa talağı qeyd edən nikah idarəsinin, yoxsa talaq siğəsini icra edənin, yoxsa talaq icazəsini çıxaran məhkəmənin? Əgər talaq siğəsi icra olunan zaman ər-arvad bir-birindən ayrı yaşasalar və ya talaq qərib bir şəhərdə oxunsa, ər-arvad isə eyni məntəqənin sakinləri olmasalar, şəri vəzifə nədir?
Quran ayələrinə və sair dəlillərə görə bu qadağaya əməl etmək ərlə arvadın vəzifəsidir. Lakin məhkəmə və ya nikah idarəsi məlumatsız insanlara yol göstərmək üçün, habelə əmr be məruf üçün onları bu hökmlə tanış edir. Onların yaşadığı məkanların ayrı olması, iki tərəfin razılığı ilə baş versə və onların ayrılığı bir-birindən küsmək mənasında olmasa, eybi yoxdur.
Suyun bədənə zərərli olduğuna görə alınan təyəmmüm
Sidik zamanı daim məni hissələri ondan gələn şəxsin sağalmağa ümidi yoxdursa, təyəmmüm edib əməllərini yerinə yetirə bilərmi? Çünki, fərz olunur ki, daimi şəkildə cənabət qüslü almaq onun cisminə sağalmayan ziyanlar vura bilər.
Sualınızda fərz olunanlar haqda ehtiyat vacib budur ki, zərəri olmayan miqdarda qüsl etsin və zərəri olan hallarda isə təyəmmüm caizdir. Amma ehtiyat olaraq dəstəmaz da alsın. Bu, məni zərrələrinin bövldə həll olub aradan getmədiyi haldadır. (Məninin) aradan getdiyi təqdirdə isə qüslə ehtiyac yoxdur. Habelə, bu zərrələrin məni, yoxsa bəzi vaxtlar insandan gələn digər yapışqanlı sular olmasında şəkk etsə, qüsl lazım deyil.
Həcc niyyəti edən şəxs üçün müstəhəb təvaf
Həcc ehramını niyyət edən və niyyəti düz olan (gerçəkləşən, hasil olan) şəxsin müstəhəb təvaf etməsi caizdirmi?
Ehtiyat budur ki, müstəhəb təvafı tərk etsin. Amma yerinə yetirsə həccə heç bir zərəri yoxdur.
Müəllim və tələbənin bir-birlərinə baxmaları
Ali məktəblərdə həm kişi, həm də qadın müəllimlər tədris edirlər. Oğlan tələbələrin qadın müəlliməyə baxmasının və əksinə, hökmü nədir?
Əgər bu baxışlar meyl (şəhvət) və ehtirasla olmasa, üz və əllərinə baxmağın eybi yoxdur.
Evlənməzdən öncə verilən hədiyyələrin hökmü
(Nişan mərasimində) oğlan ilə qızın şirnisini yeyəndən sonra, oğlan və onun ailə başçıları gəlin və onun ailəsi üçün müəyyən hədiyyələr aparırlar. Onların arasında olan nişan pozularsa və ya oğlanla qızdan biri vəfat edərsə, bu hədiyyələrin hökmü nədir?
Sərf olunmayan şeyləri qaytarmalıdırlar, sərf olunan şeylər qarşısında isə borclu deyillər.
Qurbanlıq göndərəndən sonra məhsurun vəziyyətinin yaxşılaşması
Məhsur olan və qurbanlığını Minaya göndərən şəxsin sonradan xəstəliyi yüngülləşərsə, vəzifəsi nədir?
Ona digər hacılara qoşulmaq, əməllərin hamısını yerinə yetirmək və öz hədyini (qurbanlıq üçün gətirdiyi heyvanı) qurbanlıq etmək vacibdir. Bu halda onun həcci səhihdir.
Həcc kəffarələrini vətəndə ödəmək
Hacılar ümrə və təməttö həccinin kəffarələrini öz şəhərlərinə qayıdandan sonra ödəyə bilərlərmi?
Maneəsi yoxdur, lakin onların hamısını gərək ehtiyacı olanlara versinlər.
Bir neçə dəfə üstü örtülü olan maşına minməyin kəffarəsi
Hal-hazırda İrandan müfrəd ümrəyə gedən hacılar üstü örtülü maşınlarla yol gedirlər. Yol əsnasında namaz qılmaq və yemək yemək üçün bir neçə dəfə maşına minib düşürlər. Bunlar üçün bir kəffarə kifayət edirmi, yoxsa hər dəfə minib düşdükləri üçün ayrı-ayrılıqda kəffarə vermək lazımdır?
Ümrə ehramının bütün müddəti üçün və ya həcc ehramının bütün müddəti üçün bir kəffarə kifayətdir.
Xonsanın evlənməsi
Müşkilə xonsanın (kişi, yoxsa qadın olması heç bir vəchlə məlum olmayan) və qeyri-müşkilə xonsanın (müəyyən yollarla kişi, yoxsa qadın olması ayırd edilə bilən) evlənməsi caizdirmi?
Müşkilə xonsanın evlənməsi caiz deyil. Qeyri-müşkilənin isə vəziyyəti (kişi, yoxsa qadın olması), aydın olsa, caizdir.
Bir kişinin arvadlarının nəvələrinin bir-birinə məhrəmlikləri
Bir kişinin iki arvadı və onların hər birindən övladı var. Bilirik ki, bu qadının oğlan övladları və oğlan övladlarının övladları o biri qadına məhrəmdirlər. Sual budur ki, o qadının qız övladları da (birinci qadının qız nəvəsi) ikinci qadına məhrəmdirlərmi?
Qız və oğlan nəvələrinin hamısı o qadına məhrəmdirlər. Çünki atanın arvadı və babanın arvadı məhrəmlərdən sayılır.
