Fitr axşamı bihuş olan şəxsin fitrəsi
Bir şəxs Fitr bayramının axşamında gün batan vaxtda bihuş olsa, fitrə zəkatı boynundan götürülürmü?
Bihuş olmaq fitrə zəkatının öhdədən götürülməsinə səbəb olmur.
Məscidlə hüseyniyyə arasındakı fərq
Nə üçün Hüseyniyyənin tədbirlərini məsciddə və məscidin tədbirlərini Hüseyniyyədə həyata keçirmək olmaz? Əgər bu iş caiz olarsa, torpaq sahəsi və tikinti xərclərində yol verilən israfların (artıq xərclərin) qarşısını almaq üçün bunlardan (hər ikisinin deyil, yalnız) birinin olması məqsədə uyğundur.
Məscidin qadınlar üçün, bəzən də kişilər üçün müəyyən məhdudiyyətləri vardır. Hüseyniyyədə isə (məscidlə müqayisədə) daha çox azadlıq var. Əlbəttə, məsciddə qılınan namazın savabı ilə Hüseyniyyədə qılınan namazın savabı arasında böyük fərq mövcuddur. Bu da iki növ binanın təsis olunmasına səbəb olmuşdur.
Həcc sona çatandan sonra məssi-meyyit qüslünün vacib olmasını başa düşmək
Bir şəxs təməttö həccinin əməllərini yerinə yetirəndən sonra bir məss-meyyit qüslünun ona vacib olduğunu, habelə digər vacib bir qüslü yerinə yetirmədiyini başa düşsə, həcci səhihdirmi?
Onun həcci səhihdir. Lakin ehtiyat vacib budur ki, təvafları (və səyi, təqsiri) yenidən yerinə yetirsin, qadir olmasa naib tutsun.
Ciyərlər üçün toz dərmandan istifadə
Şiddətli təngnəfəsliyə tutulan bir şəxs, bir növ tibbi ləvazimatdan istifadə edir ki, onun iynəsini sıxmaqla maye dərman qaz-toz şəklində ağız boşluğundan ciyərlərə səpilir və xəstənin sakitləşməsinə səbəb olur. (Bu əməl gündə bir neçə dəfə təkrar olunur.) Bu alətlərdən istifadə etməklə eyni zamanda oruc da tutmaq olarmı? Diqqətinizə çatdırırıq ki, bu vəsaitdən istifadə etmədən oruc tutmağın dözülməz məşəqqəti var.
Əgər rəqiq (az və qatı olmayan) qaz şəklində bədənə daxil olarsa, maneəsi yoxdur və orucu səhihdir. Biz onun yayılmış nümunələrini görmüşük, eybi yoxdur.
Bövl məxrəcinin parça ilə paklanması
Müəyyən səbəblərə görə bövl edəndən sonra özünü su ilə yuya bilməyən xəstə, özünü parça ilə təmizləsə namaz qıla bilərmi?
Sual fərzində zərurət halı olduğuna görə eybi yoxdur.
Qüsl və dəstəmazda başqasının insan üçün yumasının hökmü
Əgər başqası insan üçün dəstəmaz və ya qüsl aldırsa, səhihdir?
Onun qüsl və dəstəmazı batildir. Lakin başqası onun bədəninə su töksə və o özü öz bədənini yusa, eybi yoxdur. Amma bu iş qeyri-zəruri hallarda məkruhdur.
Ehram halında qadınlar üçün ayaqların üstünü örtmək
Qadınlar ehram halında corab geyinə bilərlərmi, yoxsa onların da ayaqlarının üzü kişilər kimi açıq olmalıdır?
Ayaqları örtməyin haram olması kişilərə məxsusdur və qadınların ayaqların üstünü örtməsi caizdir.
Yığılan pulun xümsü
Kreditlə götürülən borc puldan, aylıq məvacibdən və əlavə görülən işlərdən bir qədər pul yığmış şəxsə xüms düşürmü?
Kreditlərini ödəmədiyi borc miqdarına xüms düşmür. Lakin aldığı məvacib və əlavə gördüyü işlərdən, habelə kreditlərini ödəmiş borcdan əldə etdiyi şeylərə xüms düşür.
Həcc tamam olandan sonra dəstəmaz üçün maneə olduğunu başa düşmək
Dırnaqlarının üstünə və barmaqlarına dırnaq boyası qalmış qadın bu vəziyyətdə həcc əməllərini yerinə yetirmişdirsə və bu boyanın dəstəmaz və qüsl üçün mane olmasını bilmirdisə, əməlləri səhihdirmi? Əgər həcc əməllərini yerinə yetirəndən sonra bunu başa düşsə, vəzifəsi nədir?
Onun təvafı və namazı səhih deyil. Buna görə də bu iki əməli yenidən yerinə yetirməlidir. Ehtiyat vacibə əsasən, səy və təqsiri də təzələməlidir və onun digər əməlləri səhihdir. Şəxsən yerinə yetirə bilməsə, naib tutmalıdır.
Əti yuyarkən əlin pak olması
Əti və ya quyruğu suya çəkərkən onlarla yanaşı nəcis əl də pak olur?
Pak olur. Bu şərtlə ki, onun üzərini, yağ maddəsi örtməsin. Lakin az miqdarda yağlı olmağın eybi yoxdur.
Vacib həcc üçün ərin icazəsinin şərt olmaması
Həccə getmək üçün “Həcc və ziyarət idarəsi” istitaətli qadından ərinin rəsmi icazəsini tələb edirsə və əri buna icazə vermirsə, qadın nə etməlidir?
Onların vacib həcc üçün ərin icazəsini istəmələrinə inanmaq çətindir. Çünki şəri baxımdan ərin icazəsi lazım (vacib) deyil.
Qadınların gündəlik namazlarda iştirakları
Qadınların gündəlik camaat namazlarında iştirakı məkruhdurmu?
Qadınların gündəlik camaat namazlarında iştirakı məkruhdurmu?
Uşaq ciftinin paklığı
Müasir dövrdə müsəlman qadınlarının istifadə etdikləri kosmetika maddələrinin çoxu körpənin ciftindən hazırlanır. Ondan istifadə etməyin hökmü nədir? Yeri gəlmişkən, deyin görək, körpənin cifti nəcisdir, yoxsa mütənəccis?
Ciftin nəcis olması barədə sübut yoxdur. ("Ürvə"-nin təliqəsində yazdığımız kimi). Buna görə də qana bulaşmış olmasa və ya (qana bulaşmasında) şübhəmiz olsa, pakdır.
İki namazı dalbadal (fasilə olmadan) qılmaq
Nə üçün şiələr zöhrlə əsr, habelə məğriblə işa namazlarını bir yerdə qılırlar, amma digər müsəlmanlar bu namazları ayrı şəkildə - beş vaxtda qılır?
Namazları ayrılıqda qılmaq bizim nəzərimizcə də müstəhəb və sünnətdir. Lakin onları birlikdə qılmaq da caizdir. Hətta əhli-sünnə hədislərində də bunu caizliyinə sübut vardır. Buna görə də bunları bir qılmaq rüxsətdir (icazədir) və ayrı qılmaq fəzilətdir.
