مدرسہ کے امکانات سے ذاتی فایدہ اٹھانا
مدرسہ کے امکانات سے تحصیلی امور کے لیے پرنسپل کی اجازت سے ذاتی فایدہ اٹھانے کا کیا حکم ہے؟ کسی چیز کا نقصان ہونے کی صورت میں اس کے پیسے ادا کر دینے سے ذمہ بری ہو جائے گا؟
اگر اسکول کا پرنسپل قانون کے مطابق اجازت دے تو ایسا کرنے میں کوئی حرج نہیں ہے۔ اگر وہ کہے کہ یہ قانون کے مطابق ہے تو اس کا یہ کہنا کافی ہے۔
سہم سادات کو ضروریات زندگی میں تبدیل کرنا
خمس کی رقم کو، دیگر اجناس ،جیسے لباس اور زندگی کے دیگر وسائل میں تبدیل کرنااور انھیں سادات کو دینا کیسا ہے خصوصاً اُس صورت میں جبکہ سید، سہم سادات کو قبول کرنے سے ، بہت ہی ناراض ہوتا ہو؟
جواب: احتیاط کی بناپر خمس کی رقم کا دیگر اجناس میں تبدیل کرنا جائز نہیں ہے، مگر جبکہ سادات بذات خود تقاضا کریں اور ضروری نہیں ہے کہ اس رقم کو سہم سادات کے عنوان سے، انھیں دیا جائے کہ وہ ناراض ہوجائیں بلکہ ہدیہ کی شکل میں بھی دے سکتے ہیں۔
حج کے لئے وصیت کرنے پر مجبور کیا جانا
ایک شخص مستطیع نہیں ہوا تھا لیکن چند سال پہلے ، مرض موت میں، چند لوگ اس کو حج میقاتی کے عنوان سے پانچ ہزار افغانی کی وصیت کرنے پر مجبور کرتے ہیں ، کیا یہ وصیت صحیح ہے اور اگر صحیح ہے تو چونکہ یہ رقم میقاتی حج کے لئے کافی نہیں ہے تو اس سلسلہ میں کیا وظیفہ ہے ؟
جواب :۔ اگر وصیت کرنے پر واقعاً مجبورکیاتھا تو یہ وصیت نافذ نہیں ہے لیکن اگر لوگوں کے اصرار کرنے سے وہ شخص خود وصیت کرنے پر راضی ہو گیا تھا اور مذکورہ رقم ، میقاتی حج کے لئے کافی نہیں ہے تو اس رقم کو کارخیر میں خرچ کریں ۔
ممنوع التصرف کا حکم صادر ہونے کے بعد مقروض کی آمدنی
کیا ممنوع التصرف کا حکم صادر ہونے کے بعد مقروض کے کاروبار کی آمدنی، قرض خواہوں سے متعلق ہوگی؟
جی ہاں، ممنوع التصرف کا حکم صادر ہونے کے بعد، قرض خواہوں سے مربوط ہے ۔
زمین کا فقط مسجد بنانے کے لیے وقف کرنا۔
ایک شخص نے ۱۳۶۲ ہجری شمسی میں ایک زمین کو درج ذیل صورت میں وقف کی ہے ”اگر اس زمین میں کوئی عمارت بنائی جائے تو بعنوان مسجد بنائی جائے اور مسجد تعمیر نہ ہونے کی صورت میں زمین میری رہے گی“ آیا اس صورت میں وقف صحیح ہے؟ بہر کیف کیا مذکورہ زمین کو بیچ کر دوسری جگہ مسجد بنانے کے لئے زمین خریدی جاسکتی ہے؟
جواب: اس طرح کا وقف اشکال رکھتا ہے اور اس طرح وقف کرنے سے صرف نظر کی جائے، لیکن چنانچہ واقف موافقت کرے، اس زمین کواسی جگہ، یا دوسری جگہ مسجد بنانے کے لئے استعمال کیا جائے بہتر ہے۔
شادی کے خرچ کے لئے پیسہ جمع کرنا
وہ اشخاص جو اقتصادی اعتبار سے کمزور ہیں، کیا بیٹے کی شادی یا بیٹی کے جہیز کے لئے پیسہ جمع کرسکتے ہیں؟
اس پر خمس ہوگا لیکن اگر وہ زیادہ تنگی میں ہوں تو ہم اس پیسے کے خمس کو ان لوگوں پر معاف کردیں گے
معتکف کا غیر معتکفین کو ضروری اشیاء خریدنے کے لئے پیسہ دینا
ضرورت کی چیزوں جیسے، شیمپو، ٹوتھ پیسٹ وغیرہ کو خریدنے کے لئے ان لوگوں کو پیسہ دینے کا کیا حکم ہے جو معتکف نہیں ہیں؟
جو ضروریات میں شامل ہے اس میں کوئی حرج نہیں ہے ۔
ایکسیڈینٹ میں مرنے والے کنڈیکٹر کی دیت
ٹریلی(بڑا ٹرک)کا ڈرایئور چلنے سے پہلے اپنے بریک میں موجود نقص سے باخبر تھا ، کنڈیکٹر کے متوجہ کرنے کے باوجود سہل اںگاری سے کام لیا اور اس کی مرمت کا کوئی اقدام نہیں کیا اور سفر شروع کردیا، ٹریلی کا بریک ایک بلندی سے نیچے آتے وقت بےکار ہوگیا ڈرایئور نے گڑھے میں نہ گرنے کی وجہ سے ٹریلی کو پہاڑ سے ٹکرادیتا ہے اور خود بچ جاتا ہے لیکن کنڈیکٹر پہاڑ سے ٹکرانے کے خوف سے ٹریلی کے اندر سے باہر چھلاںگ لگادیتا ہے اور گاڑی کے ٹائر سے کچل کر مرجاتا ہے، کیا دیت کو ڈرایئور سے لیا جاسکتا ہے؟
جواب:اگر چہ ڈرایئور نے برا کام کیا ہے، لیکن سوال کے فرض میں دیت کا ذمہ دار نہیں ہے؛ کیونکہ یہاں پر مباشر اقویٰ ہے۔
دوسرے کی سواری کو چلاتے ہوئے ایکسیڈینٹ میں مرجانا
ایک موٹرسائکل کا مالک پیچھے بیٹھا اوراس کا دوست چلا رہا تھا، ڈرائیور سے چوراہے پر موٹر سائکل کنٹرول نہیں ہوسکی لہٰذا ڈوائڈر (divider)سے ٹکراکر مر گیا اور دوسرا شخص زخمی ہوگیا، ٹریفک پولیس تائید کرتی ہے کہ مرنے والا ہی موٹر سائکل کا ڈرائیور تھا اسمسئلہ کا حکم شرعی کیا ہے؟
جواب: ڈرائیور کا خون خود اسی کی گردن پر ہے اورزخمی ہونے والے کی دیت مرنے والے کے مال سے دی جائے گی بشرطیکہ وہ کوئی مال رکھتا ہو۔
مدرسوں میں معلّمین کی غیرقانونی تدریس
بعض اوقات قانون کے مطابق مدارس یا تعلیمی مراکز میں معلّموں کی خدمات کے لئے کوئی قانونی سند نہیں ہوتی ہے، بہت سے معلّمین اس بات سے واقفیت رکھتے ہوئے بھی کہ ان کا یہ عمل غیرقانونی ہے مدیران مدارس کی ہماہنگی سے (کہ جو غالباً یا تو اَورٹائم یا ان کا حق التدریس ہوتا ہے) تعلیمی خدمات انجام دیتے رہتے ہیں لیکن ان کا حق الزحمہ ان کے نام سے لیا جاتا ہے کہ جن کی خدمات کے لئے کوئی قانونی ممانعت نہیں ہوتی ہے، پھر تنخواہ کو خدمت کرنے والے کو دیدی جاتی ہے، پہلا سوال یہ ہے کہ اس کام کا کلّی حکم کیا ہے؟ دوسرا سوال یہ کہ فوق الذکر افراد (معلّمین ، مدیران اور وہ معلّمین جنھوں نے دوسروں کو اپنے نام سے استفادہ کرنے کی اجازت دے رکھی ہے) کا شرعی وظیفہ کیا ہے؟
اگر یہ کام اعلیٰ عہدہ داروں کی ہماہنگی سے انجام پاتا ہے تو اشکال نہیں ہے۔
گاڑی میں حصّہ دار بننا
ایک شخص نے مجھے کچھ رقم دی تاکہ اپنی رقم جو میرے پاس موجود ہے ۔، کے ساتھ ملا کر ایک گاڑی خریدوں ، ہر مہینے کچھ معین رقم اس کی رقم کے منافع کے اعتبار سے اس کو ادا کرتا رہوں ، کیا یہ کام جائز ہے ؟ اور جائز نہ ہونے کی صورت میں اس کو شرعی راستہ اور طریقہ کیا ہے ؟
معاملہ کوشرعی صورت دینے کے لئے اس طریقہ پر عمل کرناضروری ہے کہ مذکورہ رقم کے برابر اس کو گاڑی میں حصہ دار بنا لیں ، اس کے بعد اس کے حصہ کی گاڑی کو معین قیمت و رقم پر کرایہ پر لے لے اور دونون کے لئے اس مدت میں معاملہ کو فسخ کرنے کا حق حاصل ہو ، چنانچہ معاملہ مذکورہ اسی طریقہ پر کیا جائے تو صحیح ہے۔
طبی اور صنعتی الکحل کا شرعی حکم
ٓپ سے درخواست ہے عقیدے کے باطل ہونے پر جو دلیلیں دلالت کرتی ہیں ان دلیلوں کوبیان فرمائیں۔
جواب: عروة الوثقی کے حاشیہ اور اس کی شرح کی طرف رجوع فرمائیں۔

