جس شخص نے طواف نساء نہیں کیا اور اسی عالم میں عقد نکاح کرلے
جس شخص نے طواف نساء نہیں کیا اور اسی عالم میں عقد نکاح کرلیا ہے کیا اس کا نکاح صحیح ہے ؟
جواب:۔ اس کا نکاح باطل ہے اور اگر مسئلہ کا علم رکھتا تھا تو وہ عورت ہمیشہ کے لئے اس پرحرام ہو جائے گی ۔
حالت احرام میں خواتین کا پیروں کو چھپانا
کیا حالت احرام میں خواتین جوراب پہن سکتی ہیں یامردوں کی طرح ان کے پیروں کا اوپر کا حصہ بھی کھلا ہوا ہونا چاہئیے؟
جواب :۔ پیروں کے چھپانے کا حرام ہونا ، مروں سے مخصوص ہے خواتین کے لئے پیروں کی پشت کو چھپا نا جائز ہے ۔
حج کے تمام ہونے کے بعد، مطلع ہونا کہ وضوء کے لئے مانع موجود تھا
ایسی خاتون جس کے ناخون اور انگلیوں کی پشت پر پالش چسپاں ہے اور اسی حالت میں حج کے اعمال انجام دےتی اور یہ نہیں جانتی کہ یہ رنگ ، وضو اور غسل کے لئے مانع ہوتا ہے کیا اس کے اعمال صحیح ہیں اور اگر حج کے اعمال بجالانے کے بعد متوجہ ہو جائے تو اس کا کیاوظیفہ ہے ؟
جواب:۔ اس کا طواف اور نماز صحیح نہیں ہے لہٰذا ان دو اعمال کو دوبارہ انجام دے اور احتیاط واجب کی بنابر سعی اور تقصیر کو بھی دوبارہ انجام دے ان کے علاوہ اس کے باقی اعمال صحیح ہیں اور اگر خود انجام نہیں دے سکتی تو کسی کو نائب بنالے۔
حج تمام کرنے کے بعد غسل مس میت کے واجب ہو نے سے آگاہی
ایک شخص حج تمتع کے تمام اعمال انجام دینے کے بعد ، متوجہ ہوتا ہے کہ ایک غسل مس میت اس پر واجب تھا ، اور اس نے دوسرا واجب غسل بھی انجام نہیں دیا ہے کیا اس کا حج صحیح ہے ؟
جواب :۔ اس کا حج صحیح ہے لیکن احتیاط واجب یہ ہے کہ دونوںطوافو ( اور سعی و تقصیر) کو دوبارہ اعادہ کرے ار اگر قادر نہیں ہے تو کسی کو نائب بنائے ۔
طواف میں انسان کا مختون نہ ہونا
طواف میں انسان کا ختنہ شدہ ہونا شرط ہے اس بناپر اگر کسی شخص کا ختنہ تو ہوگیا ہے لیکن ناقص ہوا ہے یعنی مکمل طور پر نہیں بلکہ کچھ مقدار میں حشفہ خارج ہوتا ہے اور نعوض ( ایستادگی ) کی حالت میں کامل طور پر خارج ہو جاتا ہے کیا اس شخص کو ختنہ شدہ لوگوں میں شمار اور اس کا طواف صحیح ہو گا ؟ اگر ختنہ شدہ لوگوں میں شمار نہ ہو اور طواف کے لئے اس پر دوبارہ ختنہ کرانا لازم ہو اور وہ شخص سن ر سیدہ ہونے کیوجہ سے ختنہ کرانے سے شرمائے تب طواف کے متعلق اس کا کیا وظیفہ ہے ؟
جواب:۔ احتیاط واجب یہ ہے کہ ختنہ کرانے کے بعد طواف اور اس کی نماز کو دوبارہ پڑھے اور اسی طرح سعی کا بھی اعادہ کرے اس طرح کے مسائل میں شرم کرنے کی کوئی ضرورت نہیں ہے خفیہ طور پر آگاہ ڈاکٹر کے پاس جاکر ختنہ کراسکتا ہے لیکن اس حالت میں طلاق دینے میں کوئی حرج نہیں ہے ۔
حج پرجانے کیلئے جھوٹی محرمیت ایجاد کرنا
میری عمر ۳۴ سال ہے اور میں حج پرجانا چاہتی ہوں لیکن میرا شوہر اس سفر میں میرے ساتھ نہیں آسکتا ، لہذاقافلہ کے مسئول نے کہا ہے کہ اگر تم ایک جھوٹاخط لے آؤ جس میں یہ لکھا ہو کہ تم فلاں شخص کی محرم ہو اور اس کی بیوی بھی اس کے ساتھ ہو ، کیا اس طرح کا جھوٹا خط لینا شرعی اعتبار سے صحیح ہے؟
یہ کام جائز نہیں ہے ۔
موضوعات میں ضرر کو تشخیص دینا
مناسک حج کے مسئلہ نمبر ۱۳ میں فرمایا ہے : ․․․ اگر واجب کام کی اہمیت یا ترک حرام کی اہمیت زیادہ ہے تو حج کو ترک کرنا ضروری ہے (البتہ اس بات کو معین کرنا مرجع تقلید یافقیہ کی نظر کے مطابق ہے) سوال یہ ہے کہ اگر کوئی شخص موضوعات میں تشخیص دے کہ حج پرجانا اس کے لئے بہت زیادہ نقصان دہ ہے جس کی تلافی ممکن نہیں ہے ، اس طرح کے موضوعات میں کیا اپنے مرجع تقلید سے اجازت لے؟
اپنی تشخیص پر عمل کرسکتا ہے ۔
نیابتی حج کے اخراجات
جو شخص خود تو مستطیع نہیںہے لیکن اپنے والد جنہوں نے حج کے لئے نام لکھوا یا تھا اور اب دنیا سے گذر گئے ہیں ، ان کے بینک کی رسید کو اپنے نام کراکر ، ان کی نیابت میں ، حج کے اعمال انجام دیتا ہے اس صورت میں دیگر اعمال میں کام آنے والی رقم منجملہ ڈالر ، فیس وغیرہ کو مہیا کرنے کے اخراجات کس کے ذمہ ہیں ؟ کیا اس کے ثلث مال سے لے سکتا ہے ؟
جواب :۔ اگر اس کے والد نے صاحب استطاعت ہونے کے بعد پہلی فرصت میں ، حج کے لئے نام لکھوایاتھا اور حج کرنے سے پہلے ان کا انتقال ہو گیا ہے تو ان کی نیابت واجب نہیں ہے اور فقط اس صورت میںان کی نیابت میں حج بجالاسکتا ہے کہ جب وارث راضی ہوں ، لیکن اگر مرحوم پہلے مستطیع ہو گئے تھے لیکن حج کے لئے نام لکھوانے اور حج کرنے میں کوتاہی کی ہے ، اس صورت میں اس کے لئے میقات سے حج کریں مگر یہ کہ اس نے اپنے شہر سے حج کرنے کی وصیت کی ہو اور اگر قانونی طریقہ سے ان کے بینک کی رسید کو فروخت کرکے اس رقم کے کچھ حصہ سے ، اجرت پر حج کرانے کے لئے اجیر کرنا ممکن ہو تو احتیاط واجب یہ ہے کہ ایسا ہی کریں ۔
سفر میں تنہائی کے خوف سے حج میں تاخیر کرنا
میری عمر ۲۴ سال ہے اور حج تمتع پر جانے کی استطاعت رکھتی ہوں ، لیکن میرے خاندان میں سے کوئی بھی میرے ساتھ جانے کو تیار نہیں ہے،میں بھی تنہا حج کے سفر پر جانے سے ڈرتی ہوں ، کیا میںاگلے سال تک انتظار کرسکتی ہوں، تاکہ اگلے سال کوئی ایسا محرم مل جائے جس کے ساتھ میں حج پر جاسکوں؟ یا اسی سال حج پر جانا واجب ہے ؟حج تمتع کے لئے استطاعت مالی اور جسمی کافی ہے ؟
اگر واقعا تنہائی سے ڈرتی ہو تو اس سال مستطیع نہیں ہو اور اگلے سال تک انتظار کرسکتی ہو ۔
اس شخص کی استطاعت جسے ذاتی مکان کی ضرورت ہے
جوشخص ذاتی گھر کا محتاج ہے کیا مستطیع ہو سکتا ہے ؟
جواب :۔ اگر اس کو گھر کی ضرورت ہے تو اس رقم کو گھر کی خریداری میں خرچ کرسکتا ہے اس صورت میں وہ شخص مستطیع نہیں ہوگا ۔

