استحباب کے قصد سے دعا کا پڑھنا
مفاتیح الجنان کی ادعیہ اور زیارات کو استحباب کے قصد سے پڑھنے کا کیا حکم ہے؟
زیارت مطلقہ کے قصد سے پڑھنے میں کوئی حرج نہیں ہے اور بہتر یہ ہے کہ قصد رجاء کی نیت سے پڑھے۔
چہارشنبہ سوری اور اس کے آتش بازی پر مشتمل مراسم
چہار شنبہ سوری (زرتشتی تہوار) اور اس میں آگ جلانے جیسی رسموں کا شرعا کیا حکم ہے؟
بیہودہ اور خرافاتی چیزیں ہیں ان سے پرہیز کرنا چاہیے۔
قانون وکالت کے بند نمبر ۵۵ کی شرعی حقیقت
درج ذیل صورت میں قانون وکالت کے خصوصاً بند نمبر ۵۵ کے جائز یا ناجائز ہونے کے بارے میں اپنا مبارک نظریہ بیان فرمائیں: ”وہ وکیل جس کی وکالت کسی چیز پر موقوف ہے یا وہ اشخاص جنھیں وکالت کرنے کی اجازت نہیں یا کلی طور پر ہر وہ شخص جس کے پاس وکالت کی سند نہیں ہے، اس کے لئے وکالت کے کام میں کسی طرح کی بھی دخل اندازی کرنا منع ہے ۔ خواہ وہ کوئی جعلی پیشہ جیسے غیر قانونی مشیر وغیرہ اختیار کرے یا یہ کہ عقد شرکت یا عقود اسلامی میں سے کسی بھی عقد کی بنیاد پر اقتصادی سوسائیٹیوں میں اپنے آپ کو اصلی دعوے دار ظاہر کرے ۔ اس قانون کی خلاف ورزی کرنے والے کو ایک سے چھ مہینہ تک کی سزائے قید دی جائے گی“
ان لوگوں کے لئے جنھیں وکالت کی اجازت نہیں ہے، مذکورہ حکم تعزیری سزا کا پہلو رکھتا ہے، البتہ وکالت میں اجازت کی قید لگانا، عنوان ثانوی کی بناپر ہے، اس لئے کہ موجودہ حالات میں وکالت کو آزاد قرار دینا، سوء استفادہ اور عظیم نقصانات کا باعث ہوگا لہٰذا یہاں بیان شدہ مطلب کی بناپر مذکورہ بند کا جائزہونا، بعید نظر نہیں آتا ۔
عاقلہ (وارثین) کے مسئلہ میں نابالغ بچے کا اپنے جرم کا قرار کرنا
جیسا کہ حضور کو معلوم ہے اگر جانی اپنی جنایت کے خطائی ہونے کا اقرار کرے تو عاقلہ (وارثین) ضامن نہیں ہیں ، اسی طرح اگر بچہ کہ جس کی عمد بھی خطا شمار کی جاتی ہے ، اپنی جنایت کا اقرار کرے ، کیا خود بچہ ضامن ہے ؟ یا اُس کے عاقلہ؟
جواب: کسی بھی حال میں بچہ کا اقرار معتبر نہیں ہے۔
ایسا حلیہ بنانا جو تمسخر کا سبب ہو
بعض جوان جو علمی اعتبار سے اعلی رتبہ اور مقام رکھتے ہیں، ایک خاص طرز سے لباس پہننتے ہیں، کافی بڑی ڈاڑھی رکھتے ہیں اتنی بڑی کہ کبھی کبھی وہ ان کی تضحیک کا سبب بنتی ہے ایسی ڈاڑھی کا کیا حکم ہے؟
ایسے لباس اور ڈاڑھی سے جو انسان کی تضحیک کا سبب ہو، پرہیز کرنا لازمی ہے۔ مومن کو چاہیے کہ وہ اپنی عزت اور وقار کو داغ نہ لگنے سے محفوظ رکھے۔
ڈاڑی منڈانے کے مثلہ ہو نے پر روایات کا مطلب
کیا وہ رویات جو ھاڈی منڈانے کو مثلہ کرنے سے تشبیہ دیتی ہیں ڈھاڈی منڈانے کے حرام ہو نے پر دلالت نہیں کرتی ہیں ؟
جواب ۔ یہ رویات شاید ان جگہوں پر نظر رکھتی ہیں جہاں پر کوئی زبردستی کسی کی ڈھاڈی کو کاٹ دے لیکن اگر اس کی موافقت اور مرجی سے کاٹے تو یہ مثلہ کے عنوان میں داخل نہیں ہے اگر چہ احتیاط واجب اس کے ترک کرنے میں ہے
آئمہ اطہار علیہم السلام کا انبیاء الٰہی علیہم السلام سے مقائسہ
کیا ائمہ اطہار (علیهم السلام)، خدا کی معرفت کے لحاظ سے پیغمبران الٰہی (علیهم السلام) کے علاوہ، افضل ہیں؟
بہتر ہے کہ معصومین اور اولیاء الله کا آپس میں مقائسہ نہ کیا جائے، یہ سب بزرگ اور انوار الٰہی ہیں ۔
زنا میں احصان کے مستحق ہونے کے شرائط
کیا زانی ذیل کے موارد میں رجم کا مستحق ہے؟۱۔ احصان سے بچنے کے لئے سفر کیا اور زنا کا مرتکب ہوگیا۔۲۔ ایسے حالات میں زنا کا مرتکب ہوا ہے جبکہ بیوی یا شوہر بیماری کی وجہ سے جماع کی آمادگی نہیں رکھتے تھے، اگرچہ تمام دیگر لذتیں ممکن تھیں۔۳۔ زنا اس وقت واقع ہوا جب شوہر بیوی میں ناراضگی اور گھریلو اختلاف کی وجہ سے مجامعت ممکن نہیں تھی۔۴۔ زنا کا ارتکاب بیوی یا شوہر کے روزے کی حالت میں ہوا۔۵۔ عورت طلاق رجعی کی عدت میں زنا کی مرتکب ہوئی ہے (ملحوظ رہے کہ عورت کو رجوع کرنے کا حق نہیں ہوتا)۶۔ مرد اپنی بیوی کے ایام حیض یا نفاس میں زنا کا مرتکب ہوا ہے۔
جواب: تمام بالا صورتوں میں سے کسی صورت میں بھی زناء محصنہ ثابت نہیں ہے، مگر روزے کے موارد میں ؛ کیونکہ روزہ کی ممنوعہ مقدار احصان پر ضرر انداز نہیں ہوتی، ہرچند کہ فقہاء کے درمیان مشہور یہ ہے کہ طلاق رجعی کی عدت میں مرد اور عورت کی طرف سے زنا کرنا، زناء محصنہ شمار ہوتا ہے؛ لیکن ان کی دلیل قانع کنندہ نہیں ہے۔
کھجور کے پتّے اور بوری کے دھاگے پر سجدہ کرنا
جب شیعہ حضرات نماز کے لئے مسجد الحرام یا مسجد نبوی سے مشرف ہوتے ہیں تو بہت سے اشخاص سجدہ گاہ کے طور پر ، کاغذ،لکڑی یا بوریے وغیرہ کوکھلے عام اپنے ساتھ لے جاتے ہیں اور ان پر سجدہ کرتے ہیں نتیجہ یہ ہوتا ہے کہ وہابیوں یا دوسرے متعصّب مذاہب اسلامی کی ہتک حرمت اور طعن وتشنیع کا شکار ہوتے ہیں اور کبھی کبھی یہ کام لڑائی اور جھگڑے کا باعث ہوجاتا ہے، لہٰذا س ناگوار حالت سے بچنے کے لئے جانماز کے دو نمونے جن میں سے ایک پر سجدہ کی جگہ علاوہ نامحسوس طریقے سے ”کھجور کے درخت کے پتے“ سے بُنائی ہے اور دوسرے پر بوری کے دھاگے (سُتلی) کی یہ دونوں نمونے حضور کی خدمت میں ارسال کئے جارہے ہیں، لہٰذا جنابعالی سے گذارش ہے کھجور کے درخت پتے اور بوری کے دھاگے (سُتلی) سےبنی ہوئی سجدہ کی جگہ مشاہدہ فرماکر ان دونوں پر سجدہ کا حکم مرقوم فرمائیں؟
اگر سجدہ کی جگہ کھجور کے درخت کا پتا تھا تو کوئی اشکال نہیں ہے ۔
عدالت کی جانب سے وکیل قبول کرنا
فریقین کی جانب سے وکیل قبول کرنے کی صورت میں محکمہ عدالت کا کیا وظیفہ ہے ؟
ہمارے زمانے میں چونکہ قوانین پیچیدہ ہوگئے ہیں اور بہت سے لوگوں کو ان کے بارے میں معلومات نہیں ہوتی جو اپنا دفاع کرسکیں، لہٰذا محکمہ عدالت کا وظیفہ ہے کہ فریقین کے وکیل کو قبول کرے ۔
عاشورہ کے دن بچّہ کے سر پر قمع لگانے کی نذر ماننا
ایک ماں باپ، نذر مانتے ہیں کہ اگر خداوندعالم ،ان کو بیٹا عطاکرے تو روز عاشورہ اس کے سر پر قمع لگا ئیں گے،یہ بات ملحوظ رکھتے ہوئے کہ اس قسم کے اعمال شیعہ مذہب اور سید الشہدائ(علیہ السلام) کی عزاداری کے لئے باعث وہن (توہین)اور دشمنان اسلام کے لئے سوء استفادہ کا باعث ہے کیا اس نذر پر عمل کرنا واجب ہے ؟
جواب:یہ نذر صحیح نہیں ہے ،چونکہ نذر میں ، عمل کا بہتر(مستحب)ہونا شرط ہے اور یہ کام ، اس بات کو ملحوظ رکھتے ہوئے کہ اسلام کے دشمنوں کے ہاتھ میں خامس آل عبا (علیہ السلام) کی عزاداری کے تمام ہی مسائل کے بار ے میں سوالات ایجاد کرنے کا بہانہ آجاتاہے ،عزاء سید الشہداء (علیہ السلام) جو قربتہً الی اللہ کاموں میں سب سے افضل ہے ، لہٰذا یہ نذر اشکال نے خالی نہیں ہے ،اور اگر فرض بھی کرلیں کہ یہ عمل بہتر ہے تو دوسرے کے بار ے میں نذر کرنا صحیح نہیں ہے ۔
ضرورت کے وقت منی نکالنا
استمناء کے ذریعہ منی خارج کرنے کا کیا حکم ہے البتہ اس صورت میں جبکہ اس کا بدن میں رہنا نقصان دہ ہو؟
عام طور پر ایسی حالت میں، سوتے وقت بدن سے خارج ہوجاتی ہے لہٰذا دوسرے کسی کام کی ضرورت نہیں ہے ۔
خواتین کا گاڑی چلانا
عورتوں کے لیے گاڑی چلانے کا کیا حکم ہے؟
حجاب اور دوسری شرعی باتوں کی رعایت کے ساتھ کوئی حرج نہیں ہے۔
ایسی بات کہنا جس کے جھوٹ کا احتمال ہو
چھوٹ گناہان کبیرہ میں سے ایک ہے اس سے کیا مراد ہے؟ اگر انسان کو کسی بات کے صحیح ہونے کا زیادہ احتمال ہو تو کیا وہ اسے بیان کر سکتا ہے مثلا ۵۰ فی صد سے زیادہ، خاص طور پر ان موارد میں آپ کی بات پکڑنے والے حاضر ہوں مثلا استاد شاگرد سے کوئی سوال پوچھے اور شاگرد ۵۰ فی صد سے زیادہ احتمال دے تو کیا وہ یقین سے بیان کر سکتا ہے؟
جب تک انسان کو کسی بات کا یقین نہ ہو اسے قطعیت کے ساتھ بیان نہیں کرنا چاہیے بلکہ اسے احتمال کے ساتھ بیان کرنا چاہیے مگر یہ کہ اس کی بات پر قرینہ موجود ہو جو اس کے احتمال پر دلالت رکھتا ہو اور امتحان میں جس جواب کے صحیح ہونے کا قوی احتمال دے اسے لکھ سکتا ہے۔

