مرکز پاسخگویی به احکام شرعی و مسائل فقهی

مسئلہ 566 : نماز ميت کھڑے ہو کر قصد قربت کي نيت سے پڑھني چاہئے نيت کے وقت ميت کو معين کرنا چاہئے مثلا ميں اس ميت پر نماز پڑھتا ہوں قربة الي اللہ اور اگر کوئي ايسانہ ہو جو کھڑے ہو کر ميت پر نماز پڑھ سکے تو بيٹھ کر پڑھے.

مسئلہ571 تکبيروں اور دعاؤں کو يکے بعد ديگرے اس طرح پڑھے کہ نماز اپني صورت سے خارج نہ ہوجائے.اور احتياط واجب يه هے که نماز کے بيچ ميں کسي سے بات نه کرے.

مسئلہ572 نماز ميت با جماعت پڑهنا مستحب هے ليکن جوشخص نمازميت کوجماعت سے پڑھے وہ بھي تمام تکبيروں اوردعاؤں کوخودبھي پڑھے اور جيسا که کها گيامفصل دعاوں کا پڑھنا مستحب هے. اگر کسي کو زباني ياد نه هو تو کتاب ديکه کر بهي پڑھ سکتا هے.

مسئلہ 575 : اگر ميت کو زمين ميں دفن کرنا ممکن نہ ہو تو واجب ہے کہ اس کو کسي جگہ يا تابوت ميں رکھ کر چاروں طرف کو بند کرديں.

مسئلہ 576 : دفن کرتے وقت ميت کو قبر ميں داہني کروٹ اس طرح لٹائں کہ قبلے کي طرف چہرہ ہو.

مسئلہ 577 : اگر کوئي شخص کشتي ميں مرجائے اور اس کے بدن کے خراب ہونے کا ڈر نہ ہو اور کشتي ميں رکھنے سے کوئي چيز مانع نہ ہو تو صبر کريں اور خشکي پر پہونچ کر اس کو دفن کرديں ورنہ غسل و حنوط و کفن دے کر نماز پڑھ کر کسي ايسي چيز ميں رکھ کر اس کا منہ مضبوطي سے بند کرديں جس کي وجہ سے پاني کے جانور اس تک رسائي حاصل نہ کرسکيں اور اس کو سمندر ميں ڈال ديں اور اگر يہ ممکن نہ ہو تو اس کے پيروں ميں کوئي وزني چيز باندھ کر سمندر ميں ڈال ديں اور واجب ہے کہ جہاں تک ممکن ہو اسے ايسي جگہ ڈال ديں جہاں وہ فورادريائي جانوروں کي غذا نہ بن جائے.

مسئلہ 579 : جہاں ضروري ہو تو قبر کو پختہ کرنے کا خرچ اور اسي طرح دريا و سمندر ميں پھينکنے کا خرچ ميت کے اصل مال سے ليا جائے گا.

مسئلہ 580 : اگر کافرہ عورت مرجائے اور اس کے پيٹ ميں بچہ بھي مرجائے اور اس بچے کا باپ مسلمان ہو تو عورت کو قبر ميں بائيں کروٹ لٹايا جائے گا تاکہ بچے کا چہرہ قبلے کي طرف رہے بلکہ اگر روح بھي بچے کے بدن ميں داخل نہ ہوئي ہو يعني ابھي بچے ميں حس و حرکت بھي پيدا نہيں ہوئي ہو تب بھي بناء بر احتياط واجب اسي قاعدے پر عمل کريں.

مسئلہ 581 : غير مسلمانوں کے قبرستان ميں مسلمان کا دفن کرنا اور مسلمانوں کے قبرستان ميں کافر کو دفن کرنا بناء براحتياط واجب جائز نہيں ہے اسي طرح مسلمان کو ايسي جگہ دفن کرنا جہاں اس کي بے حرمتي ہو حرام ہے جيسے اس جگہ پر دفن کرنا جہاں کوڑا ڈالا جاتا ہے.

مسئلہ 582 : ميت کو غصبي جگہ پر دفن نہيں کرنا چاہئے اور نہ ان جگہوں پر دفن کرنا چاہئے جو دفن کے لئے وقف نہيں ہيں جيسے مساجد و ديني مدارس البتہ اگر ابتداء ہي سے دفن کے لئے ايک جگہ مخصوص کرليں اور وقف ميں اس کو مستثني رکھيں تو وہاں دفن جائز ہے.

مسئلہ 583 : دوسرے مردے کي قبر ميں ميت کو دفن کرنا جب کہ نبش قبر کا سبب نہ ہو يعني پہلے والے مردہ کا بدن ظاہر نہ ہونے پائے اور زمين بھي مباح ہو يا وقف عام ہو تو جائز ہے.

مسئلہ 584 : بناء بر احتياط واجب ميت کي جو چيزيں جدا ہوجائے چاہے وہ بال، ناخن، دانت ہو اس کو ميت کے ساتھ دفن کردينا چاہئے ليکن شرط يہي ہے کہ نبش قربر کا سبب نہ ہو ليکن جو ناخن يا دانت زندگي ميںجدا ہوجائے اس کا ميت کے ساتھ دفن کرنا واجب تو نہيں ہے اگر چہ بہتر ہے.