مسئلہ 1516: انسان جب تک مال کا خمس نہ ديدے اس مال ميں تصرف نہيں کرسکتا، صرف خمس دينے کي نيت کرلينا کافي نہيں ہے اسي طرح يہ بھي نہيں کرسکتا کہ خمس کو اپنے ذمہ ميں لے کر مال ميں تصرف کرنے لگے اور اگر تصرف تو فعل حرام کا ارتکاب کيا اور اگر مال تلف ہوجائے تو بھي اس کا خمس دينا ہوگا.
مسئلہ 1524: ريٹا ئرمنٹ پر جو رقم ملتي ہے ياجو کچھ رقم دوبارہ زندگي بسر کرنے کے لئے ملتي ہے يہ سب اسي سال کي امدني ميں شمار ہوگي اگر سال کے اخر تک اس ميں سے کچھ نہ بچے تو خمس واجب نہيں ہے اور اگر کچھ بچ جائے تو اس پر خمس واجب ہے.
مسئلہ 1528: معدني چيزيں خواہ زمين کے او پر ہوں يا نيچے، کسي کي وہ زمين ملکيت ہو يا اس کا کوئي مالک نہ ہو، نکالنے والا مسلمان ہو يا غير مسلمان، بالغ ہو يا نا بالغ ہر صورت ميں اس کا خمس واجب ہے البتہ اگر بچہ ہے تو اس کا ولي خمس نکالے.
مسئلہ 1531: اگر دوسرے کي ملکيت سے کسي معدني چيز کو نکاليں تو جو کچھ بھي ہاتھ ائے گا دہ صاحب زمين کي ملکيت ہوگا اور چونکہ زمين کے مالک نے اس کے نکالنے پر کچھ خرچ نہيں کياہے اس لئے پورے کا خمس دينا ہوگا ہاں اگر اس کام کو مالک کے حکم سے انجام ديا گيا ہے تو اس کا خرچ مالک برداشت کرے گا اور اس خرچ کو در امد سے کم کرکے خمس نکالے گا.
مسئلہ 1532: اگر معدن بڑے معادن ميں سے ہو اور مباح يا ملکي زمين ميں ہو تو حاکم شرع (مجتہد عادل) اس کے نکالنے اور امور مسلمين پر خرچ کرنے کا حق رکھتا ہے اور اس صورت ميں نکالنے والوں کو حاکم شرع کے نظريہ کي رعايت کرنا ہوگي.
مسئلہ 1533: اگر اسلامي حکومت معدنيات کو نکالے تو اس پر خمس واجب نہيں ہوتا.
مسئلہ 1534: خزانہ اس مال کو کہتے ہيں جس کو زمين يا پہاڑ يا ديوار يا درخت ميں چھپاديا گياہوا در عرف عام ميں اس کو خزانہ کہاجاتاہو.
مسئلہ 1535: جس کو کسي ايسي زمين ميں خزانہ ملے جس کا کوئي مالک نہ ہو اور اس خزانہ کا مالک بھي کسي طرح معلوم نہ ہو سکے تو وہ خزانہ اسي شخص کاہے اس کا خمس نکالنا ضروري ہے اسي طرح اگر خزانہ ايسي زمين ميں ملے جس کو دوسرے سے خريدا ہوا ور يہ معلوم ہو کہ جو لوگ اس زمين کے پہلے مالک تھے يہ ان کا نہيں ہے تو وہ خزانہ اسي کا ہو جائے گا البتہ خمس دينا ہوگا ليکن اگر احتمال ہو کہ سابق مالکان ميں سے کسي کا ہے تو احتياط واجب کي بنا پر جو شخص اس سے پہلے مالک تھا اس کو مطلع کرے اگر معلوم ہوجائے کہ اس کا نہيں ہے تو اس سے پہلے والے مالک کو خبر دے اسي طرح جتنے لوگ اس زمين کے مالک رہے ہوں اور يہ شخص ان کو پہچانتا ہو تو ترتيب وار سب کو مطلع کرے پھر جب معلوم ہوجائے کہ ان ميں سے کسي کا مال نہيں ہے تو خود اس کا مال ہوجائے گا مگر خمس نکالنا واجب ہوگا.
مسئلہ 1536: خزانہ کے لئے نصاب معين ہے اور اس کا نصاب 105 مثقال چاندي يا 15 مثقال سونے کے برابر ہو تو اس پر خمس واجب ہے ليکن اگر اس سے کم ہے تو خمس واجب نہيں ہے اور اگر خزانہ سے ملي ہوئي چيز کي قيمت 15 مثقال سونا تو نہ ہو ليکن 105 مثقال چاندي کے برابر ہو يا 105) مثقال چاندي کے برابر تو نہ ہو 15 مثقال سونے کے برابر ہو تو اس پر خمس واجب ہے.
مسئلہ 1537: اگر ايک جگہ دفن شدہ متعدد بر تنوں ميں کوئي مال ملے اور سب کو ملاکر اس کي قيمت بمقدار نصاب ہو تو خمس واجب ہوگا ليکن اگر متعدد جگہ متعدد خزانے ملين تو جس کي قيمت نصاب بھر ہوگي اس کا خمس واجب ہوگا سب کو ملاکر حساب کرنا لازم نہيں ہے.
مسئلہ 1538: خزانہ حاصل کرنے کے لئے جو اخراجات ہوئے ہيں ان کو کم کرکے باقي کا خمس دينا ہوگا.
مسئلہ 1539: اگر دو يا کئي خزانہ حاصل کريں تو اس ميں سب ہيں شريک ہيں اپنے قرار داد کے مطابق عمل کريں جس کا حصہ نصاب بھر ہو اس پر خمس واجب ہوگا.
