مسئلہ 172 : اگر کتے نے کسي ايسے برتن ميں منہ مارا ہو کہ جس کا دہانہ چھوٹا ہو اور اسے مٹي سے مانجھا نہ جا سکتا ہو تو يک لکڑي پہ کپڑا لپيٹ کر اس ميں مٹي اور پاني ملا کر اس سے مليں اور اگر يہ بھي ممکن نہ ہو تو اس برتن ميں تھوڑي سي مٹي اور تھوڑا سا پاني ڈال کر ہلائيں اس کے بعد جيسا کہ اوپر کہاگيا ہے اسي طرح پاک کريں.
مسئلہ 174 : جو برتن شراب سے نجس ہو گیا ہے چاہئے کہ اسے تین مرتبہ قلیل پانی سے دھوئیں اور ہاتھ سے بھی ملیں اور سات مرتبہ دھونا مستحب ہے ليکن اگر کر، جاري پاني يا نل سے دھليں تو ايک مرتبه کافي هے اور هاتھ سے ملنا بھي ضرورت نهيں هے۔
مسئلہ 176 : قلیل پانی سے برتن پاک کرنے کا طریقہ یہ ہے کہ اس کو تین مرتبہ قلیل پانی سےبھر کر خالی کردیں یا ہر مرتبہ اس میں تھوڑا سا پانی ڈال کر اس طرح ہلائیں کہ پانی ہر نجس جگہ تک پہنچ جائے پھر اس کو پھینک دیں۔
مسئلہ 177 : دیگ اور بڑے پتیلوں کوتین مرتبہ پانی سے بھر کر خالی کردینے سے یہ برتن پاک ہوجاتے ہیں اور سب سے آسان طریقہ یہ ہے کہ اوپر سے چاروں طرف اس طرح پانی ڈالیں کہ پانی ہر طرف پہنچ جائے پھر جو پانی اسکی تہہ میں جمع ہو گیا ہے اس کو پھینک دیں۔ (اسی طرح تین دفعہ کریں) اور جس برتن سے پانی نکال کر باہر پھینکا گیا ہے اس کو ہر مرتبہ دھولیا کریں۔
مسئلہ 182 : قلیل پانی سے کسی فرش یا لباس وغیرہ کو دھونے میں اتنا نچوڑنا چاہئے کہ پانی خارج ہوجائے۔
مسئلہ 184 : اگر تاگے سے بنی ہوئی نجس چٹائی کو کُر یا جاری پانی میں ڈبو دیں یانل کے نیچے رکھ دیں اور نل کھول دیں تو عین نجاست زائل ہوجانے کے بعد وہ پاک ہوجائے گی۔
مسئلہ 186 : اگر کسی چیز کے بارے میں شک ہو کہ نجس پانی اس کے اندر تک پہنچا کہ نہیں تو اسکا داخلی حصہ پاک ہے۔
مسئلہ187 : اگر نجس چيز کو کسي برتن ميں رکھ کر تين مرتبہ پاني ڈال کر خالي کرديں تو وہ چيز پاک ہوجائے گي اور برتن بھي پاک ہوجائے گا البتہ لباس وغيرہ کو نچوڑنا بھي ضروري ہے يعني ہر مرتبہ اس کو نچوڑيں اور برتن کو ٹيڑھا کرديں تاکہ پاني نکل جائے.
مسئلہ188 : اگر نجس رنگے ہوئے لباس کو جاری، کُر یا نل کے پانی کے نیچے رکھ دیں اور پانی رنگ کی وجہ سے مضاف ہونے سے پہلے تمام جگہ تک پہنچ جائے تو لباس پاک ہوجائے گا چاہے نچوڑتے وقت اس سے مضاف پانی نکلےلیکن اگر پانی تمام جگہوں تک پہنچنے سے پہلے مضاف ہوجائے تو اس کو اتنا دھوناچاہئے کہ مطلق پانی اس تک پہنچ جائے۔
مسئلہ 189 : پاک کرنے کے بعد لباس یا فرش میں کچھ مٹی یاصابن کے ذرے یا دوسری چیزیں رہ گئی ہو ں تو پاک ہیں اور اگر بڑی چیزیں ہیں تو ان کاظاہری حصہ بھی پاک ہے اور اگرنجس پانی اس کے اندر چلاگیا ہے تو اندرونی حصے کو پاک کرنے کے لئے پاک پانی کا اندر تک پہنچنا اور پھر نکلنا بھی ضروری ہے۔
مسئلہ 190 : نجس چيز کو دھوتے وقت اگر عين نجاست دور ہوجائے اور رنگ يا بو باقي رہ جائے تو کوئي حرج نہيں ہے او راگر يہ شک ہو کہ عين نجس باقي ہے يا نہيں تو مزيد دھونا چاہئے تاکہ ختم ہونے کا يقين ہوجائے.
مسئلہ 191 : جاري، کر يا نل کے پاني کے نيچے نجس بدن سے عين نجاست دور ہوجائے تو بدن پاک ہوجاتاہے پاني سے باہر آکر دوبارہ پاني ميں جانا ضروري نہيں ہے.
