ہڈی کے ٹوٹنے سے چلنے میں نقص آجانا
ہڈی ایسے ٹوٹی ہے کہ پیدل چلنے میں بھی نقص آگیا ہے؛ کیا مربوطہ ہڈی کے ٹوٹنے کے علاوہ اس نقص کے لئے ارش بھی معین کیا جاسکتا ہے؟
جواب: احتیاط واجب یہ ہے کہ منفعت میں نقص ہوجانے کی وجہ سے ارش بھی ادا کیا جائے۔
چھوٹے زخموں میں قسامہ کا جاری کرنا
اگر طرفین کے دعویٰ کا جھگڑا ثابت ہوجائے لیکن مدعی کے پاس اس کے زخمی ہونے کا کوئی گواہ نہ ہو، فقط ایک شخص اس طرح بیان دے کہ میں نے مدعیٰ علیہ(ملزِم) کے ہاتھ میں چاقو دیکھا تھا ، کیا یہ مورد (شک) کے موارد سے ہوگا، یا یہ لازم ہے کہ مدعیٰ علیہ(ملزِم)منکر کے عنوان سے قسم کھائے؟ کیا تھوڑے بہت نقصانات میں بھی منکر یا مدعی قسم کھا سکتے ہیں؟
جواب : فقط ایک شخص کی شہادت پر جس صورت میں آپ نے اوپر ذکر کی ہے، لوث(شک) ثابت نہیں ہوتا جزئی نقصانات میں بھی ( جیسے انگلی کے ایک پورے پر بھی جنایت کا وارد ہونا) قسامہ کا حکم جاری ہوتا ہے۔
نماز کی حالت میں غلاظت کی تھیلی کا ساتھ میں ہونا
جن لوگوں کا آپریشن کے ذریعہ پائیخانہ کا مقام بند کردیا گیا ہے ۔اور ایک تھیلی میں ان کی غلاظت جمع ہوتی رہتی ہے ، نماز کے وقت انکا وظیفہ کیاہے ؟
جواب : اگروہ تھیلی ساتھ میں لگی ہے تو کوئی حرج نہیں لیکن اگر بدن نجاست سے آلودہ ہوجاتا ہے تو اس صورت میں اگر اس کے لئے عسر و حرج یعنی مشقت کا باعث نہ ہو تو بدن کو پاک کرے اور اگر مشقت کا باعث ہے تو اسی حالت میں نماز پڑھ لے ۔
پیشانی اور ہتھیلی کی پشت پر زخم لگنا
پیشانی ، ہتھیلی اور انگلی کی پشت پر گوشت کی قلت کو مدِّ نظر رکھتے ہوئے ، کیا ”حارصہ“اور ”دامیہ“ زخموں کے علاوہ یہاں پر کوئی اور زخم بھی قابل تصور ہے ؟
جواب: اس جہت سے اشخاص مختلف ہیں ؛ گوشت کے بقدر کافی نہ ہوئے کی صورت میں ”ملتحمہ“ یا اس کے مانند کوئی اور زخم قابل تصور نہیں ہے ، لیکن ”سمحاق“اور ”موضحہ“ جیسے زخم قابل تصور ہو سکتے ہیں ۔
ایسے متلاحمہ زخم کا علاج جو فلج کا سبب ہوجائے
متلاحمہ زخم کے مورد میں ، کہ جو عضو کے مفلوج ہوجانے کا باعث ہو ، لیکن علاج و معالجہ کے ذریعہ فلج کی روک تھام کی جاسکتی ہو ، لہٰذا حضور فرمائیں :۱۔کیا زخمی شخص پر واجب ہے اپنا علاج کرائے؟جواب: چنانچہ علاج اتنا سادہ ہو کہ عرف عام میں مفلوج ہونے کی نسبت مجروح ہونے کی طرف دی جاتی ہو، تو علاج کرانا لازم ہے ۔۲۔علاج کرانے کی صورت میں دیت سے زیادہ خرچ کو جنایت کرنے والے سے لیا حاسکتا ہے ؟
جواب :جی ہاں ، لیا جاسکتا ہے ۔
مقتول کے بعض اولیاء کا صغیر (نابالغ) ہونا
بالفرض کہ قصاص انحلالی حق (یعنی سب وارثوں کو جدا جدا حق) ہے اگر مقتول کے بعض اولیاء (اور وارث) بالغ اور عاقل ہوں اور بعض نابالغ اور دیوانہ ہوں، قصاص کا مطالبہ یا معاف کرنے کی صورت میں ، بعض نابالغ اور دیوانے وارثوں کا لحاظ رکھتے ہوئے کہ جنھیں قصاص یا معاف کرنے کا حق نہیں ہے، یہ مسئلہ کس طرح حل کیا جائے گا؟
اگر بالغ اولیاء قصاص کرنا چاہتے ہیں تو (دیت میں سے) نابالغوں کا حصہ ان کے سرپرست کو دیدیں ۔
زنا بالجبر میں احصان کی تاثیر
زناء بالجبر میں کیا زانی کا محصّن ہونا، سزا کی نوعیت میں کوئی اثر نہیں رکھتا ہے؟
جواب: ہر صورت میں اس کا حکم سزائے موت ہے۔
دوسروں کو گالی دینے کی سزا
اُس آدمی کا کیا حکم ہے جو اپنی زوجہ کو ماں بہن کی گالیاں دیتا ہے اور اس کی زبان کو ہمیشہ دوسروں کی غیبت کرنے کی عادت ہوگئی ہے؟
بعض مواقع پر، دوسروں کو گالیاں دینے کی تعزیری سزا ہوتی ہے اور بعض صورتوں میں اس کی سزا حد قذف (۸۰کوڑے) ہوتی ہے جو حاکم شرع کے ذریعہ دی جاتی ہے ۔
اسلام دشمن عناصر کے ساتھ ہمنشینی اختیار کرنا
ایسے افراد جو مشکوک ہیں اس بات پر کہ وہ اسلام دشمن طاقتوں کے ساتھ تعاون کرتے ہیں، ان کے ساتھ ہم نشینی کا کیا حکم ہے؟
ایسے لوگوں کی ہمنشینی ترک کرنا بہتر ہے اور اگر شک قوی ہو تو ان کی صحبت ترک کرنا واجب ہے۔
ڈاکٹروں اور میڈیکل کے طلباء کا بیت المال سے استفادہ کرنا
اکثر دیکھنے میں آتا ہے کہ بہت سے ڈاکٹر حضرات اور طب کے طلباء، طب سے متعلق سرکاری اور بیت المال کے وسائل، اپنے ذاتی استفادہ کے لیے استعمال کرتے ہیں جیسے ہاسپیٹل کے فارم، لیٹر پیڈ وغیرہ جبکہ ان وسائل کا پیسا یا تو بیت المال کی طرف سے ہوتا ہے یا مریض کے اخراجات میں شامل کر کے ان سے وصول کیا جاتا ہے، کیا یہ کام جائز ہے؟
جواب: جائز نہیں ہے مگر یہ کہ ہاسپیٹل کے ذمہ داران، تمام اسٹاف اور کارکنان کو کسی مصلحت کے تحت ایسا کرنے کی اجازت دے دیں۔
نماز جمعہ میں خواتین کی شرکت
کیا جمعہ کی نماز میں خواتین کی شرکت مکروہ ہے ؟
جواب :۔ ہمارے زمانے میں عنوان ثانوی کو ملحوظ رکھتے ہوئے ، نماز جمعہ میں خواتین کی شرکت بہتر ہے ۔
نامشروع روابط کے ثابت کرنے میں قاضی کا علم
جیساکہ روایات اور احادیث معصومین سے استفادہ ہوتا ہے کہ شارع مقدس مرداور عورت کے درمیان نامشروع روابط میں عورت اور مرد کی رسوائی اور اس رابطہ کو افشا کرنے پر راضی نہیں ہے لہٰذا عفت کے منافی اعمال کا اثبات چار بار اقرا ریا چار شاہد عادل کی گواہی پر قرار دیا ہے؛ اس وجہ سے بعض محکمے اس جیسے جرائم میں تفتیش اور اثبات جرم پر بنا نہیں رکھتے حاکموں کا کیا وظیفہ ہے؟ جبکہ خصوصی شاکی (شکایت کرنے والا) بھی درمیان میں موجود ہو، کیا اس طرح کے موارد میں قاضی پر اپنے علم کے مطابق عمل کرنا واجب ہے، یا ممکن ہے اپنے علم پر عمل نہ کرے؟
جواب: شاکی کو عدالت میں شکایت کرنے کا حق ہے ، چنانچہ اپنے دعوے کو شرعی دلیل سے ثابت کرسکتا ہوتو حاکم ، مقدس شریعت کے قوانین کے مطابق اپنے وظیفہ پر عمل کرے اور قاضی اس جیسے موارد میں شاکی کے حق کوثابت کرنے کی خاطر لازمی تحقیقات انجام دے اور چنانچہ مقدمات حسی یا حس کے قریب مقدمات سے اس کو علم ہوجائے، اس کا علم حجت ہے۔
مشین میں فنی خرابی کی وجہ سے انگلیوں کا کٹ جانا
ایک شخص ایک کار خانہ میں کام کرتا تھا آٹومیٹک بٹن اور دوسرے نواقص کو نہ جاننے کی وجہ سے اپنے ہاتھوں کی انگلیاں اور ہتھیلی کا کچھ حصہ کٹوا بیٹھتا ہے، اس کی دیت کس کے اوپر ہے؟
جواب: اگر کاری گر مشین کے نواقص سے با خبر نہ ہو اور مالک نے اطلاع رسانی میں کوتاہی کی ہو تو مالک ذمہ دار ہے اور اگر کاری گر کو اطلاع تھی اور اس کے باوجود اس کام پر اقدام کیا، دیت خود اسی کے اوپر ہے، مگر یہ کہ کام کا قانون جس کی بنیا د پر نوکری محقق ہوئی تھی، اس طرح کے موارد میں مالک کا وظیفہ جانتا ہو۔
حفاظتی مسائل کی رعایت نہ کرنے کی بناپر کسی شخص کا مرجانا
اگر ڈرائیور ، کنڈیکٹر کے ساتھ ٹرک کو دھلوانے کی غرض سے ایسے کارواش پر لے گیا کہ جس کے پاس نہ کام کرنے کا لائیسنس تھا اور نہ حفاظتی انتظامات کا، پانی کے پمپ مین بھی فنی خرابی پائی جاتی تھی اور اس کے ارتھ کا تار بھی محفوظ نہیں تھا ، کارواش کے مالک نے کام کے زیادہ ہونے کی وجہ سے ٹرک دھونے سے منع کردیا لیکن ان کے اصرار پر ٹرک دھونے کی ذمہ داری خود انہیں پر ڈال دی، دھوتے وقت کنڈیکٹر کو بجلی پکڑ لیتی ہے اور وہ مرجاتا ہے، حضور فرمائیں:الف) اس چیز پر توجہ رکھتے ہوئے کہ مذکورہ کارواش لائیسنس نہیں رکھتا تھا اور اس میں حفاظتی انتظامات بھی کامل نہیں تھے ، مذکورہ شخص کے مرنے کا کون ذمہ دار ہے؟ب) کیا متوفیٰ کی آزاد مباشرت موضوع میں اثر رکھتی ہے؟
جواب: اس صورت میں جب کہ اس کی مشینری معیوب اور خطرناک تھی اور اس نے نہیں بتایا، کارواش کا مالک ذمہ دار ہے، واگر یہ کام کنڈیکٹر کی ناآگاہی کے اثر میں واقع ہوا ہے تو خود وہی ذمہ دار ہے۔
فوجی افسر کی غلطی سے بسیجی طالب علم کا قتل
طالب علموں کو ٹور پر لے جانے والے مربِّی نے اپنی گولی اور چیمبر سے خالی کلاشںگ کوف گن(AK 47)یک دوسرے ساتھی کے ہاتھ میں دیدی، اس نے مربی کی بغیر اجازت کے ایک گولی جو اس کے پاس پہلے تھی اس گن میں اس طرح لگائی کہ گن چلنے کے لئے آمادہ ہوگئی، اچانک ایک آواز والابم ٹور کے مربی کے پاس منفجر ہوا، اس نے نظم کو برقرار کرنے کے لئے اپنی گن کو اس شخص سے لیا اور جو گولیوں سے بھرا چیمبر اس کے پاس تھا گن میں لگایا اور گن کو لوڈ کرلیا، ابھی چلانے کے لئے تیار نہیں کیا تھا کہ اچانک غلطی سے اس کی اںگلی لبلبی پر پڑی اس میں سے ایک گولی نکلیاور نزدیک کھڑے ایک فوجی جوان کو لگ گئی، ڈاکٹروں کی تمام سعی وکوشش کے باوجود وہ جوان دنیا سے چل بسا، اس وضاحت کو مدنظر رکھتے ہوئے حضور فرمائیں کون ضامن ہے؟
جواب: ظاہر یہ ہے کہ دونوں مشترک طور پر دیت کے ضامن ہیں اور ذمہ داری کی مقدار کو معین کرنے کے لئے ہر ایک متدین فنّی ماہرینکی خدمات حاصل کریں ، شک کی صورت میں دونوں شخص آپس میں مصالحہ کرلیں، بہرحال یہ قتل خطاء میں سے نہیں بلکہ شبہہ عمد ہے۔
