وطی کے بارے میں جانوروں کے ڈاکٹر کا قول
اگر کسی گوسفند کے ساتھ زیادتی کی جائے اور ڈاکٹر اس بات کی تائید کر دے تو کیا اس کی بات حجت ہے؟
اگر ڈاکٹر کی بات پر یقین اور اطمینان حاصل ہو جائے تو کافی ہے اور اگر یقین نہ ہو تو کافی نہیں ہے۔
منی بینک سے منی حاصل کرنا
بعض مومنین و مومنات بچہ نہ ہونے اور منی میں نقص ہونے کی وجہ سے ایسے اسپتال کی طرف رجوع کرتے ہیں جہاں منی بینک ہوتا ہے، جہاں ہر طرح کی منی کا ذخیرہ موجود ہوتا ہے، وہاں سے منی لے کر اسے اپنے نطفہ کے ساتھ مشین کے ذریعہ مخلوط کر کے بیوی کے رحم میں ڈالنے کا کیا حکم ہے؟ اگر مکمل طور پر ان کی منی میں اسپرم نہ پائے جاتے ہوں تو کیا وہ نا معلوم افراد کے اسپرم سے جو بینک میں موجود ہیں، استفادہ کر سکتے ہیں؟ اس کے نتیجہ میں پیدا ہونے والے بچے کا کیا حکم ہوگا؟ وہ کس سے متعلق ہوگا؟
جواب: صاحب اولاد ہونے کے لیے کسی غیر مرد کا نطفہ حاصل اور استعمال کرنا جائز نہیں ہے ۔ بچہ کی پیدائش مستند اور صحیح شرعی شادی کے ساتھ ہونی چاہیے لیکن اگر ایسا انجام پا جائے تو بچہ صاحب نطفہ افراد سے متعلق ہوگا اور جس عورت کے رحم میں اس نے پرورش پائی ہے وہ بھی اس بچہ کے لیے محرم ہے مگر اس سے میراث نہیں پائے گا ۔
چوری کا الزام
اگر کوئی شخص دوسرے آدمی پر مسلّح چوری کا الزام لگائے اور عدالت میں اس الزام لگائے اور عدالت میں اس الزام کو ثابت نہ کرسکے اور ملزم کو بری کردیا جائے اس صورت میں الزام لگانے والے شخص کی کیا سزا ہے؟
ایسے شخص کو تعزیر کیا جائے گا اور تعزیر کی مقدار حاکم شرع کی صواب دید پر ہے ۔
نماز عصر میں امام جمعہ کی اقتدا
کیا( جمعہ کے دن ) نماز عصر میں ، امام جمعہ کی اقتداء کرنا صحیح ہے ؟
جواب:۔ کوئی حرج نہیں ہے ۔
اپنے دفاع کے لئے سہم امام ع سے اسلحہ کی خریداری
جو شخص دشمن کی زد پر ہو ،کیا سہم امام ودیگر وجوہات شرعیہ سے اسلحہ اور جنگی اوزار خرید سکتا ہے؟
جواب: حاکم شرع یا اس کے نمائندے کی اجازت سے، جائز ہے۔
زکات میں بیج کی قیمت کا معیار
بیج کی قیمت کا معیار جو پیدا وارسے کم کی جائے گی ، کونسا وقت ہے ؟ بیج ڈالنے کا زمانہ یافصل کاٹنے کا وقت؟
جواب:۔ قیمت کا معیار بیج ڈالنے کا دن ہے ، لیکن ہمارے فتوے کے مطابق ، احتیاط واجب کی بناپر زراعت کے لئے جو بیج بویا گیا ہے اس کی قیمت کوپیداوارسے کم نہیں کرنا چاہئیے البتہ اس مسئلہ میں دیگر مجتہد ین کرام کی جانب، رجوع کرسکتے ہیں ۔
وہ طالب علم جو تعلیم گاہ اور وطن کے درمیان، رفت و آمد کی حالت میں ہیں
ہر سال کثیر تعداد مین غیر مشہدی استوڈینٹس مقدس شہر مشہد کی یو نیورسٹی میں داخلہ لیتے ہیں ان میں بعض صوبہ خراسان کے ہوتے ہیں جو عام طور پر ہر ہفتے اپنے وطن جاتے ہیں جب کہ ان کے وطن کا فاصلہ شرعی مسافت سے زیادہ ہے ، تعلیم کے دوران یہ رفت و آمد جاری رہتی ہے مثال کے طور پر سنیچر سے بدھ کے دن تک شہرمشہدمیں رہتے ہیں اور دوسرے دو دن اپنے وطن چلے جاتے ہیں ، نمازروزے کے متعلق ان لوگوں کا وظیفہ کیا ہے ؟
جواب:۔ طویل مدت تک تعلیم حاصل کرنے کا مقام وطن کے حکم میں ہے ، اس بناء پر مذکورہ مسئلہ کثیرالسفر کے مسئلے سے مربوط نہیں ہے ، لہٰذا اس طرح کے طلاب اور اسٹوڈینٹس حضرات ، اپنے وطن او تعلیم گاہ ، دونوں جگہ پر نمازکامل پڑھیں اور روزہ رکھیں ، لیکن دونوں مقامات کے درمیان اگر سفر کی حالت میں ہوں جیسا کہ ہر ہفتہ ایک مرتبہ سفر کرتے ہیں تو نماز اور روزہ قصر ہے ۔
قتل کے خوف سے ناجائز بچے کا ساقط کرانا
ایک لڑکی زنا سے حاملہ ہوئی ہے ۔ گھر والوں کے مطلع ہوجانے کی صورت میں لڑکی کے قتل کا خطرہ ہے ۔ کیا وہ سقط جنین کرسکتی ہے ؟ اس کی دیت کیا ہے ؟
جواب: جبکہ واقعاً اس کی جان کو خطرہ ہو اور بچہ بھی چار مہینے سے کم کا ہو تو سقط جنین جائز ہے اور اس کی دیت بیت المال کو ادا کرے گی ۔
قاعدہٴ ”درء“ کے شامل ہونے کا دائرہ حدود
قاعدہ ”درء“ کے بارے میں فرمائیں:۱۔ کیا یہ قاعدہ باب حدود سے مخصوص ہے ، یا ابواب قصاص ،دیات، اور تعذیرات کو بھی شامل ہے؟۲۔ حد جاری نہ کرنے کا کیا معیار ہے؟ کیا حلےت میں شک، جواز عمل کا وہم ، فقط اباحہ کا ظن، (چاہے ظن غےر معتبر ہو)یا حرمت کا عدم علم معیار ہے؟۳۔قائدہ درء میں محل عروض شبہ کون ہے؟ قاضی ہے یا مرتکب عمل یا دونوں؟۴۔ آیا شبہات موضوعیہ ، حکمیہ، شبہ عمد وغیر عمد ، اکراہ، اجبار، نسیان وغیرہ کو یہ قاعدہ شامل ہوتا ہے؟۵۔ شبہات حکمیہ کے شامل ہونے کے فرض میں آیا جاہل قاصر اور جاہل مقصّر کے درمیان فرق پایا جاتا ہے؟
جواب: قصاص اور تعذےرات کو بھی شامل ہے۔جواب: ثبوت حد یا قصاص کی دلیل حد اقل حجیّت نہ رکھتی ہوبلکہ حد ےا قصاص کو جاری کرنے کی دلیل ہر چند ظنی ہولیکن محکم دلیل شمار ہونا چاہئے؛ اس طرح کے عرفاً حد یا قصاص کی نسبت شبہ پیدا نہ کرتی ہو۔جواب: معیار تشخیص قاضی ہے۔جواب: قاعدہ درء ان تمام موارد کو شامل ہوتا ہے۔جواب: کوئی فرق نہیں ہے۔
ایک شخص کا ترک فعل، دوسروں کی موت کا سبب ہوجانا
ایک شخص کافعل دوسرے شخص کی موت کا سبب ہوا کیا اس کو فقط ترک فعل کی بنیاد پر سزا دی جاسکتی ہے؟ ذیل میں دی گئی مثالوں پر توجہ فرمائیں :الف : ایک ماں علم رکھتے ہوئے کہ اس کا بیٹا دودھ کی حاجت رکھتا ہے عمدا دودھ نہیں پلاتی نتیجہ بچہ مرجاتا ہے، کیا یہ قتل عمد ہے یا کوئی اور قتل شمار ہوگا؟ ب : اگر ریلوے ملازم جس کا وظیفہ پروگرام کے مطابق ریل لائن کو جابجا کرنا ہے ، خطرہ کا علم رکھتے ہوئے اس فعل کو انجام نہیںدیتااور اس کا یہ کام نہ کرنا دوریل گاڑیوں کے ٹکرانے اور مسافرین کے مرجانے کا سبب ہوجائے ، کیا قتل عمد شمار کیا جائے گا؟ج : نرس ، جس کا وظیفہ معینہ وقت پر بیمار کو دوا دینا ہے، عمدا اس کام سے خوداری کرے اور بیمار مرجائے ، جب کہ یہ بھی جانتی تھی یا جانتا تھا کہ بیمار کو دوا دینا اس کی زندگی کے مترادف ہے، یہ کس نوع کا قتل شمار ہوگا؟د : ڈوبنے والے کو نجات دینے والا، ڈوبتے ہوئے شخص کو دیکھ کر بھی نجات نہیں دیتا، جبکہ اس کا یہ ہی وظیفہ تھا، اور ڈوبنے والا مرجائے ، کیا یہ قتل عمد ہے؟۔
جواب : الف سے آخر تک : ان موارد میں جہاں قتل کی نسبت ایسے شخص کی طرف دی جائے، ویا بعبارت دےگر سبب مباشر سے اقوی ہو ، جیسے پہلی اور دوسری مثالوں میں، قتل صادق آتاہے اور اسی کے احکام جاری ہوتے ہیں، تیسری اور چوتھی مثال میں موارد مختلف ہیں۔
مفت ہاتھ آئی زمین کا خمس
تقریباً ۳۰/ سال پہلے تعلیمی شعبہ سے وابستہ حضرات کے مکانات بنوانے کے لئے ایک زمین دی گئی تھی لیکن چونکہ اس زمین کا جائے وقوع ایسا تھا کہ مدت تک وہاں پر مکانات نہیں بنوائے جاسکتے تھے چند سال کے بعد بحالت مجبوری مذکورہ زمین کو فرخت کرنے کے اقدامات کئے ہیں اب اصورت میں اگر یہ زمین فروخت کی جائے یا اس کے عوض میں ، کوئی عمارت لے لی جائے کیا اس کو بیچنے سے جو رقم حاصل ہوئی ہے اس پر خمس واجب ہے ؟
جواب: ۔ احتیاط واجب یہ ہے کہ اس کا خمس ادا کیا جائے ۔
عمارت کا اسکے مصالحہ کے تہیہ کرنے کی شرط پر ہبہ کرنا
اگر کوئی شخص عہد کرے کہ اپنی ملکیت میں اپنے ذاتی خرچ سے ایک عمارت بناکر، مفت کسی شخص کے سپرد کرے گااور وہ شخص بھی عہد کرے کہ عمارت کے مصالحہ کو قانونی راستہ سے صاحب ملک کے اختیار میں دیدے لیکن مصالحہ کی قیمت، صاحب مال ادا کرے، کیا اس طرح کا عہد حضور کی نظر میں لازم الوفاء ہے؟ قاعدتاً ایسا عہد شرعی نقطہ نظر سے عقود اسلامی کے کس عقد میں سما سکتا ہے؟
جواب: یہ عہد ایک طرح کا ہبہ معوّضہ اور لازم الاجراء ہے ۔
ایسے کھیل جن میں جوئے کا شائبہ ہو
کون سے کھیل جوے میں شمار ہوتے ہیں ؟ابھی کچھ عرصہ قبل ان علاقوں میں ایک ”رمینو“نامی کھیل جو مشکوک نظر آتا ہے رواج پایا گیا ہے کیا مزکورہ کھیل کھیلا جا سکتا ہے ؟
جواب ۔لوگوں کے درمیان جو بھی کھیل جوے اور قمار کے عنوان سے مشہور ہے وہ حرام ہے اور مشکوک کھیل میں کوئی اشکال نہیں ہے البتہ اس شرط کے ساتھ کے پیسا یا دوسری چیز کی ہار جیت نہ ہو
لاپتہ اولاد کیلئے ہبہ کرنا
ایک شخص نے اپنا کچھ منقولہ مال اپنے بیٹے کے لئے جو غائب تھا، ہبہ کردیا اور ایک شخص کو وکیل بنایا کہ وہ اس بیٹے کی جانب سے، اس مال کو اپنے قبضہ میں لے لے، اس وکیل نے اس مال کو وصول کرلیا، کیا اس قسم کا ہبہ نافذ ہے اس لئے کہ ہبہ کرنے والے شخص کا، بیٹے کے واپس آنے سے پہلے ہی انتقال ہوگیا ہے (البتہ اس بات کی وضاحت بھی کردی جائے کہ حاکم شرع کی اجازت سے وکیل بنایا گیا تھا)؟
جواب:اگر غائب ہونے والا فرزند، بالغ ہوگیا ہے تو مذکورہ وکالت کاکوئی فائدہ نہیں ہے اوراگر نابالغ تھا تب کافی ہے بلکہ اس کو وکالت کی ضرورت ہی نہیں ہے۔
قینچی سے دوسرے کے بالوں کو کاٹنا
۔ایک عورت ایک لڑکی کے ساتھ اختلاف کے نتیجہ میں اس کے بال قینچی سے اس طرح کاٹ دیتی ہے کہ اس کی خوبصورتی کو نقصان پہنچتا ہے، کیا اس کی خوبصورتی میں نقص کی وجہ سے ارش محقق ہوگا، یا چونکہ بالوںکا اکھاڑنا صدق نہیں کرے گا اور بال دوبارہ بڑے ہوجائیں گے، کوئی چیز لاگو نہیں ہوتی؟
جواب: کیونکہ نقص شمار ہوگا، ارش واجب ہوجائے گا اورارش معمولا ایک مختصر چیز ہے۔
