قسم کے تقاضوں کے بر خلاف اقرار کرنا
چنانچہ کسی شخص کے بارے میں مخصوص طریقہ سے قسم کھانے کی ذریعہ قصاص کا فیصلہ ہوجائے اور (یقینی فیصلہ کے بعد) فیصلہ پر عمل کرنے کے مرحلہ میں، مجرم کا بیٹا اسی مقتول کو عمداً قتل کرنے کا اعتراف کرے تو کیا وظیفہ ہے؟
اس مسئلہ کی چند صورت ہیں:الف) مدعی خود بھی قسم کھانے والوں شامل تھا، اس صورت میں بعد کے اقرار پر عمل نہیں کیا جاسکتا مگر یہ کہ مدعی خود اپنی تکذیب کرے ۔ب) مدعی قسم کھانے والوں میں شامل نہیں تھا یعنی اس کے لئے قسم کھانا ضروری نہیں تھا، پھر بھی اگر مدعی یقینی رہا ہو تب بھی اس کے اقرار کے مطابق عمل نہیں کیا جاسکتا مگر یہ کہ وہ اپنی تکذیب کرے ۔ج) اس کا دعویٰ گمان پر مبنی ہو، اس صورت میں اختیار ہے کہ خود قسم کے تقاضے پورے کریں اور اس کے مطابق عمل کریں یا اقرار کے مطابق عمل کیا جائے، لیکن عدالتی کارروائی میں، گمان پر مبنی دعوے کو قبول کرنا مشکل ہے، نتیجہ یہ نکلے گا کہ اپنی تکذیب نہ کرنے کی صورت میں، اقرار کے مطابق عمل نہیں کیا جاسکتا ۔
قسامہ میں قسم کھانے والوں کا عادل ہونا
کیا قسامہ میں قسم کھانے والوں کے عادل ہونے کے شرائط ، شہود کے عادل ہونے کے شرائط کے مانند ہیں؟
جواب : ان کا عادل ہونے کو ثابت کرنا شرط نہیں ہے۔
قصاص (پھانسی) کے بعد قاتل کا زندہ ہوجانا
چنانچہ کسی شخص کو قصاص کے طور پر سزائے موت ہوجائے اور وہ شخص قصاص کے عنوان سے پھانسی کے تختہ پر چڑھا دیا جائے اور قانونی ڈاکٹر گواہی دیدے کہ مرگیا ہے لیکن برف خانہ میں جاکر ہوش میں آجائے اور زندہ ہوجائے:الف)کیا قصاص کا حکم اپنی جگہ پر باقی ہے یا ساقط ہوجائے گا؟ب) اگر قصاص کا حکم اپنی جگہ پر باقی ہو تو کیا اسے (مجرم کو) پھانسی دینے کی دیت، دی جائے گی؟ج) دیت ادا کرنے کا ذمہ دار کون ہے؟د) دیت ادا کرنے کی مدّت کیاہے؟
الف) قصاص کا حکم اپنی جگہ پر باقی ہے اور مقتول کے وارث، اس کا مطالبہ کرسکتے ہیں ۔ب و ج) اگر زخم یا کسی عضو میں نقص یا گوئی دوسرا نقص پیدا ہوجائے تب احتیاط واجب یہ ہے کہ اس کی دیت بیت المال سے ادا کی جائے ۔البتہ یہ اس صورت میں ہے کہ جب قاضی اور اس کے ملازموں کے ذریعہ، پھانسی کے حکم پر عمل در آمد کیا جائے اور حکم کو جاری کرنے میں عمداً کوتاہی نہ کی گئی ہو۔د) تمام دیتوں کی طرح ہے ۔
بیمار شخص پر حد یا قصاص کا جاری کرنا خطرناک ہونا
اگر قانونی ڈاکٹر کی تشخیص کے مطابق (چاہے تازیانہ ہو یا قطع ید وغیرہ) بیمار شخصپر حد جاری کرنا یا اےسے صحیح وسالم شخص پر عضو کا قصاص کرنا جو شدید جسمانی کمزوری سے دوچارہو،اس کی موت یا بیماری میں شدت کا سبب بن جائے تو ایسی صورت میں تکلیف کیا ہے؟
جواب: اگر موت ےا معمولی بیماری سے زیادہ کا خطرہ لاحق ہوتو حدود اور قصاص کا جاری کرنا ممنوع ہے، لہٰذا یا تو تاخیر کریں اور اگر ےہ مسئلہ تاخیر کے ذریعہ سے حل نہ ہو تو قصاص کے بدلے دیت لی جائے۔
وطن میں قصر نماز کی قضا
جو نمازیں سفر میں قضا ہوئیں ہیں انہیں وطن میں کیسے بجا لائے ؟
جواب: جو نمازیں سفر میں قضا ہوئی ہیں انہیںقضاپڑھے چاہے سفر میں پڑھے یا حضر میں اور جو نماز یں حضر میں ( وطن ) میں قضا ہوئی ہیں ، انھیں کامل پڑھے خواہ سفر میں بجا لائے یاحضر میں ۔
سیادت ماں کی جانب سے
کیا ماں کی جانب سے، فرزند کی طرف سیادت، منتقل ہوسکتی ہے؟
جواب: سیادت کے بعض احکام منجملہ، خمس لینا، منتقل نہیں ہوتے اور اس کی وجہ بھی فقہی کتابوں میں بیان ہوئی ہے۔
وہ زخمی حضرات جن کے بد ن سے ہمیشہ خون رستا رہتا ہے
بعض زخمی لوگوں کے زخم کی کیفیت ، کچھ اس طرح ہے کہ دن رات ، ان کے زخموں سے خون بہتارہتاہے ، یہ لوگ نماز کے لئے کیا کریں ؟
جواب : حتی الامکان ، زخموں پر پٹی باندلیں تاکہ خون دوسری جگہ سرایت نہ کرے ، اور اسی حالت میں نماز ادا کریں ۔
طواف کرنے والوں کے دائرے سے خارج ہوکر طواف کرنا
حج کے زمانہ میں مسجد الحرام ( خانہ کعبہ ) کے کار کن اور خادم ، بیمار اور سن رسیدہ لوگوں کو چار پائی پر بیٹھا کر اپنے سروں پر طواف کراتے ہیں اور عام طور پر طواف کرنے والوں کے دالڑے سے ذرا ہٹ کر چلتے ہیں ، کیا ان کا حج صحیح ہے ؟
جواب:۔ ان کے طواف میں کوئی شکال نہیں ہے ، اس لئے کہ طواف میں ، معروف حد کی مراعات کرنا واجب نہیں ہے بلکہ احتیاط مستحب ہے اور صفوں سے متصل ہونا بھی شرط نہیں ہے ۔
جس میراث پر خمس واجب ہے
ایک طالب علم کو اپنے باپ کی جانب سے ورثہ میں ایک گھر ملا ہے اس گھر پر خمس واجب ہے لیکن یہ طالب علم اس گھر کا خمس نکالنے پر قادر نہیں ہے ، اور مزید مقروض بھی ہے اس صورت میں یہ طالب علم کیا کرے جو مذکورہ گھر میں رہنا اس کے لئے جائز ہو جائے ؟
جواب:۔ حاکم شرع کی جانب رجوع کرے ، چنانچہ اگر خود بھی خمس لینے کے لئے مستحق ہے تو خمس نکال کر خود اسی کو واپس دیا جا سکتا ہے ۔
ایسے امام جماعت کی اقتداء کرنا جو دوسرے مجتہد کا مقلد ہے
میں ایک مسجد کا امام جماعت ہوں ، برائے مہر بانی میرے لئے ایک اجازہ مرحمت فرمائیے ؟
جواب:۔ اگر مسجد میں جماعت کرانا آپ کی مرادہے تو اجازہ کی ضرورت نہیں ہے اور اگر کوئی دوسری چیز مقصود ہے تو تحریر کریں تاکہ جواب دیا جائے۔
مامومین کا لباس نجس ہونا
پہلی صف میں تین شخص جن کا لباس نجس ہے نماز پڑھ رہے ہیں کیا ان کی وجہ سے داہنی جانب نما ز پڑھنے والوں کا، جماعت سے اتصال ختم ہو جاتا ہے ؟
جواب:۔ جب تک کسی شخص کو یہ معلوم نہ ہو کہ اس کا لباس یا بدن نجس ہے اور نماز پڑھ لے تو اس کی نماز صحیح ہے ، اور جماعت کا اتصال بھی بر قرار رہتا ہے۔
ایسا نائب جس نے حج کے اعمال کامل انجام نہیں دے
ایک شخص اجرت پر دوسرے شخص کی نیابت میں حج کرنے گیا تھا ، عمرہ تمتع انجام دینے کے بعد ، سکتہ قلبی( ہارڈ اٹیک ) میں مبتلا اور حج کے مناسک انجام دینے سے معذور ہو گیا اور ایران واپس آگیا ہے آئندہ سال حج سے مشرف ہوناچاہتا ہے ، کیا ان حالات کی اطلاع ان لوگوں کو دینا ضروری ہے جن کی نیابت میں اجرت پر حج کرنے گیا تھا نیز کیا آئندہ سال کے لئے منوب عنہ ( جس کی نیابت میں حج کرناچاہتا ہے ) دوبارہ اجازت حاصل کرنا لازم ہے ؟
جواب :۔ چنانچہ معین سال میں اجرت پر حج کرنے کے لئے اجیر ہوا تھا تو اطلاع اور اجازت لازم ہے ۔

